Олимпия оюнларда ортакъчылыкъ этежек (1)

«Олимпия оюнларда ортакъчылыкъ этмек учун магъа инамлыкъ билдиргенге мен оьтесиз шатман. Шону булан бирге, уьлкени жыйым командасыны тренерлерини шолай гьукмусун мен къаравуллагъан эдим. Шо гьакъда мен оьзюню барышында биринчи ерге лайыкълы болгъан Санкт-Петербургда июн айда оьтгерилген чемпионатдан сонг сёз юрюлюп тура эди. Мени булан байлангъан умутланы яшавгъа чыгъармагъа къастлыман»,– деген М. Дадашева. Шо гьакъда wrestdag.ru сайтда язылгъан.

Милана Дадашева Олимпия оюнларда къызъяшлардан ортакъчылыкъ этген экинчи спортчу болажакъ. Белгили экени йимик, ондан алда тиштайпаланы арасында юрюлеген тутушуп ябушувдан 2008-нчи йылда Пекиндеги Олимпия оюнларда дюньяны чемпиону Замира Рагьманова ортакъчылыкъ этген.

Оьзюне 21 йыл тамамланагъан Милана Дадашева яшёрюмлени арасында тогъатартагъандан берли, мекенли оьрлюклеге етишип гелген. Ачыкълашдырып айтгъанда, Европада биринчиликни алмакъ учун юрюлген ярышланы утгъан, олай да эки керен алдынлы ерлеге ес болгъан. Шондан къайры да, дюнья оьлчевюнде алдынлыкъны алмакъ учун юрюлген ярышларда уьчюнчю ерге лайыкълы болгъан.

Инг алда ол ярышлагъа Магьачкъала шагьарда иш гёреген А. Алиевни атындагъы яшланы ва яшёрюмлени спортшколасында чалышагъан Россияны ат къазангъан тренери Къасум Насрутдиновну ёлбашчылыгъы булан гьазирленип тургъан. Артдагъы эки йылда ону булан Светлана Грачёва ишлей.


Бизин маълумат.

Авторизация
*
*
Регистрация
*
*
*
Согласны с условиями сайта?
Генерация пароля