Олимпия оюнлагъа багъышланды

Ватандашланы физкультура ва спорт булан машгъул болувгъа иштагьлы этмек, шону булан бирге, торайып гелеген яш наслуну патриот гьислерин уятыв оьтгерилген марафонну алдына салынгъан сыйлы борчлардан болуп токътады. Марафонда ортакъчылыкъ этген 3 мингге ювукъ яш да, уллу да   I Пётрну атындагъы проспектде ерлешген Акъ-кёлню ягъасындагъы паркдан тутуп, тахшагьарны баш майданына ерли 5 чакъырым мезгилни чабып оьтмеге болду.

Марафонну ортакъчыларыны арасында республика министерликлерини, ведомстволарыны, олай да Олимпия ва Паралимпия оюнларыны алдынлылары да бар эди. Шо марафонда ортакъчылыкъ этмек учун гьатта савлай агьлюлер чыкъгъан эди десем де, бир де къопдурув болмас.

Оьтгерилген марафонну оьлчевюнде спортну кроссфит, армрестлинг йимик жураларындан ярышлар да оьтгерилди. Шондан къайры да, марафонну ортакъчыларына авурлукъланы гётеривде оьзлени сынамагъа имканлыкъ берилди. Мотоцикл гьайдавчулар да оьзлени гьюнерин гёрсетди.

Марафонну мезгилин яхшы оьтгенлер барысы да медаллар ва кубоклар булан савгъатланды. Олагъа акъча савгъатлар да тапшурулду.

Б. АЙБОЛАТОВ.

Авторизация
*
*
Регистрация
*
*
*
Согласны с условиями сайта?
Генерация пароля