НЕ БУСАДА УЬЧ ОЧКО КЪАЗАНДЫ

          «Анжи» бу оюнну утмаса ярама да ярамай эди. Утмай ничьягъа ойнап къойгъан эди буса да, команда турнир таблицаны лап тюпдеги сыдырагъа тюшежегин оьзлер футболистлер де яхшы биле эди.
        «Анжи» утма да утду! Айтардай арив оюн гёрсетмесе де, футболистлени бирлери гёнгюлсюз ойнаса да, бираз насипни кёмеги де булан, гьаран- гьаран болса да, бир гол гийирип, уьч очко къазанды.
Голну биринчи таймны ахырынчы секундларында, бизин белоруслу легионерибиз Иван Маевский, Бериша берген топдан пайдаланып гийирди. 
            Бу ёлугъувда бизинкилени составында чинк де арив оюн гёрсетеген Бериша эки, уьч гол гийирер йимик мюгьлетни къолдан чыгъаргъандан къайры, топланы оьзгелеге де кёп «къызгъанып» бере эди. Айрокъда къонакъланы къапусуну алдында гол гийирер йимик мюгьлетде. Шолайлыкъда, Беришаны «къызгъанчлыгъындан» юз процентге гол гийирме имканлы эки мюгьлет къолдан чыкъды. Уьч де оюнну «Анжини» къапучусу Беленов кёп арив ойнады.  Ахырынчы эки оюнда Беленов эки керен пенальтини гери уруп бажарды.

            Туладан гелген къонакълар футбол майданда бизинкилерден бир де осал гёрюнмей эди,оланы бир нече сынавлу футболисти оюнну узагъында бизин команданы парахат турма къоймады, бир нече мюгьлетден пайдаланып да болмады, он бир метрдан пенальтини гийирип бажармады. О гюн къонакъланы гюню тюгюл эди, » Анжини» гюню эди.

             Гелеген турну оюнун бизинкилер Къазанда ерли «Рубин» булан ойнажакъ. «Анжини» бу гёрсетген оюну Къазанда очколар къазанар йимик оюн тюгюл. Оьзлер къазанлы футболистлер де «Арсеналны» футболистлери йимик, бизин хаталарыбызны гечер деп эсиме гелмей.

Автор:Шарабутдин КИШИЕВ.

Авторизация
*
*
Регистрация
*
*
*
Согласны с условиями сайта?
Генерация пароля