КЪЫЙНАЛМАЙЛЫ ТЮШГЕН УЬЧ ОЧКО

Шо биргине-бир гол «Анжини», уьч очкодан  къайры, турнир таблицада биринчи ерге де чы­гъарды. Тюзю, шу ахырынчы турда команданы гёрсетген оюну чемпионланы оюнуна кёп аз ошай эди. Есилер де, къонакълар да нечакъы бола буса да гёнгюлсюз оюнун гёрсетди. Бизинкилени чи гийирген голдан къайры, дагъы да эки-уьч гол гийирер йимик мюгьлетлери де болду. Футбол майданны есилерини буса бизин къапуну алдында бир къоркъунч­лу мюгьлети де болмады.

Оюнну санавун да сакълап, бизинкилер оьзлер де бек къыйналмай, «Шинникни» футболистлерин де Кержаковну къапусуну ювугъуна гелме къоймайлы, оюнну битдирме токъташып, шону яшавгъа да чыгъарды.

Оюн башлангъынча болгъан тренировкада бизин аслу чапгъынчыбыз Янник Боли травма алып, оюнда ортакъчылыкъ этип болмады. Ону орнуна Сергей Ташуев  команданы аслу составына Шамил Асилдаровну къошду. Тек оюн башланып, 20 минут оьтген сонг, Шамил де травма алып, ону Исламнур Абдуллавов алышдырды. Исламнур яхшы оюн гёрсетди. Ол гол гийирмеге болагъан бир мюгьлет де болду, тек ол ургъан топ есилени къапусуну багъанасыны къырыйындан гетди. Исламнурдан къайры мен Гьажибековну, Зотовну ва экинчи таймда чыкъгъан Къазимагьамматовну оюнун ушатдым.

Экинчи кругну биринчи оюнун «Анжи» Калининград шагьарда ерли Балтика булан ойнажакъ.

 

 

 

Шарапутдин КИШИЕВ.

СУРАТДА: оюнну ахырында футболистлер бир -бирин къутлайгъан вакъти.

Авторизация
*
*
Регистрация
*
*
*
Согласны с условиями сайта?
Генерация пароля