Кочаплар гюч сынады

Турнирни ачылывунда «Бабаюрт район» деген муниципал къурулувну башы Д.Даветеев, Россияны УФСБ-сини Дагъыстандагъы бёлюгюню ёлбашчысыны орунбасары С.Шершун, Д.Закарьяевни ювукъ адамлары ва танышлары бар эдилер.

Турнирни ача туруп, «Бабаюрт район» деген муниципал къурулувну башы Д. Даветеев ярышларда ортакъчылыкъ этеген яш кочаплагъа янгыз халчаны уьстюнде тогъа тартмакъны ва уьстюнлюклер ёрады.

Аманлыкъ сакълав къуллукъларда ишлеген вакътисини ичинде Дагьир Закарьяев «За заслуги перед Отечеством» деген медаль, «За отличие в воинской службе», «За службу России» деген ва Суворовну атындагъы медаллар булан савгъатлангъан. Оьлген сонг огъар «За мужество» деген орден де бериле.

Ябушувлар 12 тюрлю авурлукъда оьтгерилгенни гьакъында эсгермеге сюемен. Гьар авурлукъда къатты тогъа тартывлар да болду. Утдурмагъа бирев де сюймей эди. Айрокъда россия ва европа халчаларда оьзлени гючюн сынамагъа болгъан кочаплар. Финал ябушувлар аслу гьалда оланы арасында юрюлме де юрюлдю.

Турнирде алдынлы ерлени алгъан кочаплар медаллар булан янаша багьалы савгъатлар булан савгъатланды. Сонг да, къаравчуланы кепине гелген кочаплагъа айрыча акъча ва эсделик савгъатлар берилди.

 

 

 

Автор: Герейхан Гьажиев,

хас мухбирибиз.

Суратда: турнирни барышы.

 

Авторизация
*
*
Регистрация
*
*
*
Согласны с условиями сайта?
Генерация пароля