«КАВКАЗ ОЮНЛАР»

Милли оюнларда Хасавюрт районну командасы яхшы натижалар гёрсетди. Мисал этип айтсакъ, Рамазан Далгьатов тачка булангъы юкню 100 метрге 33,23 секунддан элтди.

Аркъангъа минегенлерден буйнакскили Али Алиевге етеген болмады. 50 килолукъ авурлукъну Шамил Къазимагьаммаев 26 керен гётерип, биринчиликни алды. Канказлагъа минип юрюйген низамда буса новолаклы Абдул Тутербековгъа етеген ёкъ эди.

Фестивал битгенче финалгъа Буйнакск ва Хасавюрт районну командалары чыкъды. Къайсы команда биринчи ерге чыгъагъаны аркъан тартывну натижаларындан гьасил эди. Эки керен оьтгерилген ярышда хасавюртлулар гючлю чыкъды  ва биринчи ерни алды.

Натижада биринчи ерни Хасав­юрт районну, экинчи ерни Буйнакск районну ва уьчюнчю ерни Къызылюрт шагьарны командасы алды.

Биринчи ва экинчи ерлени алгъанлар Магьачкъалада «Труд» деген стадионда (дёртюнчю тиретде) ортакъчылыкъ этежеклер. Шо ярышлар июн айны ахырында оьтгерилежек.

Бешинчи бёлюкде, бары да Темиркъазыкъ Кавказны рес­публикаларыны утгъан командалары октябр айда Грозныйда ёлугъажакъ.

 

 

 

Г.БЕК

СУРАТДА: «Кавказ оюнланы» ортакъчылары.

Авторизация
*
*
Регистрация
*
*
*
Согласны с условиями сайта?
Генерация пароля