Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Инг яхшы спортчулары савгъатланды

Инг яхшы спортчулары савгъатланды


Спортчуланы савгъатлав чарада Магьачкъала шагьарны башчысы Муса Мусаев, ону заместителлери Абдулмуъмин Ибрагьимов, Запир Алхасов, ДР-ни Халкъ Жыйыныны, РФ-ни Пачалыкъ Думасыны депутатлары, маълумат къуралланы вакиллери ва башгъалар ортакъчылыкъ этди. «Алгъа талпыныв» деген номинацияда 14–18 йыллыкъ ча­гъындагъы яшланы арасында спортчулар Тамерлан Рамазанов, Амина Хидирбекова, Жабрайыл Камаев, Руслан Алиев, Руслан Гьасанов, Жамболат Бижамов, Омар Къурбанов биринчи болдулар. Олагъа савгъатланы Загалав Абдулбеков ва Дагъыстанны тутушуп ябушув федерациясыны президенти Магьамматхан Арацилов тапшурдулар.

РФ-ни Пачалыкъ Думасыны депутаты Юрий Левицкий ва ДР-ни Загьмат инс­пекциясыны председатели Арсен Болатов «Олимпиадагъа гирмейген спорт жураланы» вакиллери Рагьима Алиеваны, Къурбан Гьажиевни, Руслана Гьасанханованы, Али Магьамматовну, Магьаммат Анкалаевни, Жабар Аскеровну савгъатлады.

ДР-ни енгил атлетика федерациясыны президенти Омар Муртазалиев ва Спортгъа, туризмге ва яшёрюмлени ишлерине къарайгъан комитетини председатели Марат Ибрагьимов сакъат яшланы арасында инг яхшы спортчулар Шамил Исакъовгъа, Мадина Къазакъовагъа, Ферзали Жамиевге, Абдулла Къурамагьамматовгъа, Тимур Алиевге, Бийсолтан Абакаровгъа, Юсуп Юсупалиевге, Мариям Салимгереевагъа, Расул Назировгъа савгъатлар тапшурдулар.

Магьачкъала шагьарда «Студент спортну оьсювю» деген номинацияда промышленный коллеж ва финанс-экономика коллеж савгъатгъа ес болдулар. Олай да, яшёрюмлени савлугъун беклешдиривде етишген уьстюнлюклери саялы Кахулай посёлокну башчысы Шамил Къадиев савгъатланды.

Чараны онгаргъанлар спорт къурумланы да тергевсюз къоймадылар. «Инг яхшы жамият спорт къурум» гьисапда «Спортлидер» тюкен, спорт клуб «Армор» уьстюн гелди. Спортну ва физкультураны пропаганда этивде Гьажимурат Зиявутдинов, Арслан Доциев, Къурбан Рагьимов да савгъатландылар.

Ондан сонг Россияны къошулгъан ябушувларыны касбучусу Магьаммат Маликов спортну оьсювюне этген къошуму саялы спортну ветеранларына да баракалла билдирди. О номинацияда алдынлыланы санавуна Рамазан Рамазанов, Къазимагьаммат Агьматов ва Александр Маркаров гирдилер.

«Спортну Олимпиада журалары» деген номинацияда Магьаммат Ибрагьимов, Дарья Шистерова, Шамил Къудиямагьамматов, Милана Дадашева, Земфира Магьамматалиева ва Магьаммат Къурбаналиев биринчи гьисапландылар.

Спортну оьсювюне этген къошуму саялы ва 2016-нчы йылда етишген оьр­люклери учун СНГ-ни тарихинде биргине-бир Олимпиаданы тхэквондо ябушувдан чемпиону Радик Исаев ва профессионал спортчу Гьабиб Нюрмагьамматов савгъатландылар.

2016-нчы йылгъы Рио-де-Жанейрода уьстюн гелген «Инг яхшы спортчу» деген биринчи номинацияда Абдурашит Садулаевге оьр даражада гьюрмет булан савгъат тапшурулду. Савгъатны огъар Магьачкъала шагьарны башчысы Муса Мусаев берди. Ондан сонг Муса Мусаев Абдурашитге уьй ишлеме топуракъ ва 1 миллион манатны сертификатын тапшурду.

Программаны ахырында Дагъыс­танны эстрада артистлерини концерти болду.


Автор: А. ГЬАМЗАЕВ.



Количество показов: 582
09.01.2017 13:29

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта