Ильяс Бекболатовну уьстюнлюгю

Ильяс Бекболатов турнирни барышында 65 кило авурлукъда алты керен ябушгъан. Ахырынчы ябушувда огъар къаршы америкалы Брент Меткалф чыкъгъан. Алдагъы шолай ябушувда Ильяс Меткалфны сан да гёрмей утгъан болгъан. Бу гезик ябушув башгъача оьтген. Башлап Ильяс америкалыны 6:0 булан утуп башла­гъанда, кёплер баягъылай болажакъ деп ойлагъанлар. И.Бекболатов оьзю де шолай ойлашгъан болма ярай, нечик буса да, танапусдан сонг америкалы ябушувну сиптесин къолгъа алгъан ва 4 очко къазангъан. Ябушувну ахырынчы минутлары алгъасавлу ва къыставуллу шартларда оьтген. Меткалфгъа Бекболатовну аягъындан тутма имканлыкъ бола. Амма Ильяс Бекболатов шоссагьат къаршы приём эте. Гьали чи бизин улан ута деп турагъанда, америкалы кочап Ильясны партерге сала. Судьялар олагъа экисине де экишер балл бере. Шолайлыкъда, ябушув 8:6 санав булан Ильясны пайдасына тамамлана.

 

А. ГЬАМЗАЕВ.


Авторизация
*
*
Регистрация
*
*
*
Согласны с условиями сайта?
Генерация пароля