Дюнья чемпионатда – экинчи

Пауэрлифтингде ол биринчи уьстюнлюкню 2012-нчи йылда Бердск шагьарда яшланы арасында оьтгерилген Россияны чемпионатында къазангъан. Шо ярышларда ол уьчюнчю савгъатны утгъан. Ханты-Манси автоном округну чемпионатларында къумукъ улан уьч керен уьст гелген.

Бу йылны башында Москва шагьарда яшланы арасында оьтгерилген Россияны чемпионатында Азамат Асолтанов, жимде 126 кило гётерип, биринчи ерни къазангъан.

Азамат Пыть Ях шагьардагъы 4 номерли школада 11-нчи класда охуй.

– Россияны ва дюньяны чемпионатларындан медаллар къазанып кёп керенлер къайтгъанман. Тек бизин шагьарда пауэрлифтингден уьстюнлюклер къазанагъан яш атлетлеге тергев ёкъ деме ярай. Ярышлагъа бара бусам да, оьз харжыма бараман. Ёлгъа харж берип де кёмек этмейлер. Энни дзюдо ябушувгъа чыгъып сама къалайым деп тураман, – дей Азамат.

Не болса да, Азамат гьар ярышдан медаль алып къайта. Амма огъар шагьарны башчыларындан тергев ёгъу нечакъы да яман.

Яхсайлыны Данияда къазангъан гюмюш медалы булан къутлайбыз.

 

 

 

Измулла ГЬАЖИЕВ.

СУРАТДА: А.Асолтанов.

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля