Дослукъну турнири оьтгерилди

Турнирде 139 кочап эки гюнню узагъында алдынлы ерлер учун къаст этип ябушдулар. Да­гъыстанны кочаплары 23 медаль къазанды. Оланы арасында 6 – биринчи, 7 – экинчи ва 10 уьчюнчю ерлеге ес болгъанлар бар эди.

Бабаюрт районну Адил Янгыюртундан Магьаммат Таваев (тренери Залимхан Таваев) 66 кило авурлукъда экинчи ерни алды.

Болгариядан гелген къонакъ, ат къазангъан тренер Желязко Димитров турнирни гьакъында булай деди:

– Мен Хасавюртгъа гелегеним отуз йыллар бола. Бу турнирде гьар йыл бизин болгар кочаплар да ортакъчылыкъ этелер. Гертиден де, дослукъну турнири деп айтма ярай. Турнирни биринчи гезикден тутуп оьтгереген мени ювугъум Алихан Жамалдиновгъа баракалламны билдиремен. Хасавюртну командасы да гьар йыл Болгарияда оьтгерилеген турнирлерде ортакъчылыкъ эте. Дос аралыкълар беклешдириле.

– «Дружба» деген турнирни биз 1978-нчи йылда оьтгергеник бугюн йимик эсимде. Гьалиги турнир бек къурумлу ва къужурлу оьтгерилди, – деди Россияны ат къазангъан тренери Алихан Жамалдинов.

 

Тюпде турнирни чемпионларыны атларын беребиз:

50 кило, М. Григорян (Армения).

55 кило, Ж. Къайырбеков (Дагъыстан).

60 кило, Ж. Вазирханов (Дагъыстан).

66 кило, А. Гьажиев (Дагъыстан).

74 кило, А. Хасиев (Дагъыстан).

84 кило, А. Тагиев (Ингушетия).

96 кило, М. Къурбанов (Дагъыстан).

120 кило, Ю. Батырмурзаев (Дагъыстан).

 

 

И. ГЬАЖИЕВ.

Суратда: Магьаммат Таваев.

Автор чыгъаргъан сурат.

 

Авторизация
*
*
Регистрация
*
*
*
Согласны с условиями сайта?
Генерация пароля