Дагъыстанны чемпионаты оьтгерилди

Нечик буса да, эсгерилген чемпионат оьзюню айланасына хыйлы гьюнерли кочапланы жыймагъа болду. Умуми кюйде алгъанда, чемпионатда Дагъыстанны  районларындан ва шагьарларындан, Мычыгъыш Республикадан ва Къазахстандан гелген 140-дан да къолай спортчу ортакъчылыкъ этди.
    Тюзюн айтмагъа герек, халчаны уьстюнде оьтген гьар тогъатартыв шо гюн «Бабаюрт» деген спорткомплексде болгъан къаравчуланы хошуна гелди. Утдурмагъа бирев де сюймей эди. Амма спортда утув да, утдурув  да болагъаны белгили.
    Оьз районунда, оьз къаравчуларыны алдында Салим Зубайыров алтын медалгъа ес болгъаны бек сююндюрдю. Салимни халчаны уьстюнде оьтгерген гьар тогъатартывун къаравчулар уллу харс урувлар булан къаршыладылар. Салим Зубайыров бабаюртлу ябушувчу школасыны тарбиялавчусу. Ону учун Дагъыстанны ачыкъ чемпионатыны алтын медалы спорт ёлунда къазангъан биринчи уьстюнлюгю болду. Тренерлери ва савлай  районлулар яш кочапны шо ахырынчы медалы тюгюл экенге теренден инаналар.
    Чемпионатны ахырында алдынлы ерлер алгъанлар медаллар, гьюрметлев грамоталар ва багьалы савгъатлар булан савгъатланды.

Герейхан Гьажиев,
бизин мухбирибиз.
СУРАТДА: ярышланы барышы.
Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля