Чемпион болгъан

«Эндирей» деген спорт школадан Дагъыстанны уьч керен чемпиону ва Темиркъазыкъ-Кавказ федерал округну чемпиону, спортну устасы Тимур Болатов шо ярышлардан биринчи ерни алып къайтгъан. Ол 69 кило авурлукъда рывокда 107 ва толчокда 135 килону гётерип, чемпион атны къазангъан.

– Турнирде дюньяны, Европаны ва Россияны чемпионлары да ортакъчылыкъ этдилер. Ярышлар бек къурумлу оьтдю. Авур атлетиканы уллу байрамы болду. Белгили атлетлени арасында биринчи ерни алма болгъаныма бек сююндюм, – дей Тимур Болатов.

– Тимур артдагъы уьч йылны ичинде уллу ярышларда биринчи ерлени алып турагъаны бизин сююндюре. Бютюнроссия турнирде де ол оьзюню гючюн гёрсетип, биринчи савгъатгъа ес болгъаны – уллу уьстюнлюк. Тимур бизин спорт школада яш атлетлер булан тренировкалар да оьтгере. Ол уьйретген яшлар Дагъыстанны чемпионатларында ва республика турнирлерде кёп керен савгъатлы ерлени де къазангъан, – дей «Эндирей» деген спорт школаны директору Алик Асакъаев.

 

 

 

Измулла ГЬАЖИЕВ.

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля