Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Бизин футболистлер утду

Бизин футболистлер утду

Биринчи оюн Татарстанны тахшагьары Къазанны «Центральный» стадионунда оьтдю. Шо гюн Къазанда гючлю янгур явуп, Россияны жыйым командасыны якълавчуларыны кёплери стадионгъа гелип болмагъанлар. Гьатта янгурну гючлюсюне судья оюнну башланма тюшеген заманын бир гесек артгъа салма да борчлу болду.
Футбол башланып, йигирма секунд да гетмей, «Анжини» алдынгъы оюнчусу Александр Кокорин Люксембургну къапусуна биринчи топну гийирди. Оюнну отуз алтынчы минутунда Кокорин бирдагъы гол гийирме болду. Танапусдан сонг, «Зенитни» оюнчусу Александр Кержаков оюнну 3–0 санавгъа чыгъарды. Оюн битмеге аз къалгъанда, Люксембургну чапгъынчысы Аурельен Йоахим бизин якълавчуланы хатасындан пайдаланма бажарды, 3–1 санав этди. Аз заман да гетмей, «Динамону» футболисти Самедов (о да Александр) 4–1 санавгъа етишдирди. Оюн шолай битме де битди.
Экинчи оюн буса сентябрни 10-нда Санкт-Петербургну къаравчуларындан толгъан «Петровский» стадионунда оьтгерилди. Оюнну биринчи бёлюгюнде, бизинкилер нечакъы гьаракат этсе де, Израилни командасыны къапуларына бир топ да гийирме болмады. Танапусдан сонг, экинчи бёлюк башланып, беш минут да гетмей, «ЦСКА»-ны якълавчусу Василий Березуцкий оюнну санавун ачды. Узакъ къалмай къайтып Александр Кокорин 2–0 санавгъа чыгъарды. Арадан он беш минут да оьтмей, «Спартак» команданы орта майданында ойнайгъан футболисти Денис Глушаков Израилни къапусуна уьчюнчю топну гийирди. Оюнгъа берилген токъсан минут битип, баш судья къошгъан дёрт минутну ичинде Израилни чапгъынчысы Эран Захави бизин къапучубуз Акинфеевни де къуру къоймай, гол этип, 3–1 санав булан оюн битди.
Энни Россияны командасына дагъы да эки оюн ойнама тарыкъ. Люксембург булан оланы майданында ва Азербайжан булан Бакюде. Экисин де утуп, Россия Европаны чемпионатында ортакъчылыкъ этежекге къаравчуланы шеклиги ёкъ.
Бизин «Анжи» буса Москвада «Лужники» стадионда айны он бешинде Россияны чемпионатында, Томск шагьарны командасы булан ойнама гьазирлик гёрюп тура.

Шарабутдин Кишиев.
Количество показов: 596
13.09.2013 21:07

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта