Башлыгентли кикбоксёр

Башлап ол 2005-нчи йылда яшланы арасында Урал федерал округну, сонг Россияны чемпионатында биринчи ерлени алгъан. Арадан йыл гетип, ол бирдагъы керен Россияны чемпиону бола. Урал округну ва Ханты-Мансийск автоном округну чемпионатларында дёрт керен уьст гелген.

Уллуланы арасында Осман 2009-нчу йылда Россияны чемпионатында экинчи ерни алгъан. Халкъара ярышларда буса огъар уллу уьстюнлюклер беш йылдан сонг геле.

Осман Телеев 2010-нчу йылда Анапа шагьарда оьтгерилген дюньяны кубогуну ярышларында гюмюш медальгъа ес бола.

Гетген йыл Италияда оьтгерилген дюньяны чемпионатында да башлыгентли улан экинчи савгъатны къазанып къайтгъан.

Эки йыл алда Осман Сургут пачалыкъ университетни де битдирген. Кикбоксинг булан бугюн де машгъул. Гележекде дагъы да уллу уьстюнлюклер къазанма хыялы бар. Ол тренери, къумукъ улан Абубакар Багьавутдинов булан «Тайфун» деген спорт клубда янгы ярышлагъа гьазирлик гёре.



Измулла ГЬАЖИЕВ.


Суратда О. Телеев.

Авторизация
*
*
Регистрация
*
*
*
Согласны с условиями сайта?
Генерация пароля