Арты берекетли болсун

Спортну бу жураларына уланъяшлар айрокъда муштарлы янашагъаны барыбызгъа да белгили. Тутушуп ябушув секция ишлеп башлагъаны кёп болмай буса да, спортчуланы уллу иш активлигине де, тренерни разилигине де тавакаллыкъ этип, юртну администрациясыны ва юрт яшёрюмлени комитетини сиптесине де гёре, Уллу Уьстюнлюкню 69 йыллыгъына багъышлап, тутушуп ябушувдан район ярышлар оьтгердик. Ярышларда юзден де артыкъ 1997-нчи йыл ва ондан сонг тувгъан спортчулар ортакъчылыкъ этдилер. Ябушув 10 тюрлю авурлукъда юрюлдю.

Борагъан спортчулардан ра­йонну чемпиону деген атгъа Ражап Салаватов (66 кило) ва Ражибек Тулуков (60 кило) ес болдулар. Умалат Бекмурзаев (62) ва Руслан Оьлмесов (60 кило) экинчи ерни къазандылар. Юсуп Элдаров (60 кило), Юнус Контаев (57 кило), Азиз Ташаев (42 кило), Расул Абдулаев (50 кило) 3-нчю ерге ес болдулар. Ярышларда уьстюнлюк къазангъанлар бары да кубоклар, медаллар, сувенирлер ва грамоталар булан савгъатландылар.

Ярышларда Мычыгъыш Республиканы тутушуп ябушув федерациясыны 1-нчи вице-президенти, Россияны ат къазангъан тренери М.Жукаев, юрт еси И.А.Хубиев ва башгъалар ортакъчылыкъ этдилер. Ярышларда актив ортакъчылыкъ этгени саялы, юртну яшёрюмлерини комитетине де уллу разилик билдирмеге сюебиз.

 

 

 

Шарпудин Мамаев,

Мычыгъыш Республика, Борагъан.

Суратда: (солдан онггъа) Р. Тулуков, А. Матаев (тренер), Р. Салаватов.

Авторизация
*
*
Регистрация
*
*
*
Согласны с условиями сайта?
Генерация пароля