«АНЖИНИ» ТЮРКИЯДАГЪЫ ЭКИНЧИЛЕЙ ГЬАЗИРЛИГИ

Оюнну 22-нчи ва  30-нчу минутунда чапгъынчыбыз Янник Боли «Акътёбени» къапусуна эки топ гийирди. 39-нчу минутда «Акътёбени» кёп сийрек чапгъынларыны бирисинде ярым якълавчу  Пиззелли оюнну санавун 2:1 этди. Экинчи таймда Ташуев футбол майдангъа  аслу сос­тавгъа  артгъа салынгъан футболистлени арасындан етти футболистни чыгъарды. «Анжини» моюгъан футболистлери оюнну башында гёрсетген чалтлыкъны да, усталыкъны да оюнну ахыры болгъунча сакълап болмады, 72-нчи минутда Неко  санавну тенглешдирди – 2:2 – шо санав булан оюн да битди. Оюн битгенде Ташуев: «Футболистлериме мен оюнну утмакъ деген масъаланы салмагъан эдим, бизин бугюнгю масъалаларыбыз башгъа», – деди.

Руслан Агъаларовну «Анжи-2» командасы буса милли лиганы кубогуна ойналагъан оюнларын давам этди. Башлап бизин жагьил футболистлерибиз милли лигада ойнайгъан Нижний Новгородну «Волга» командасы булан ёлукъду. Жамалутдиновну, Мурсаловну, айрокъда Абдуллавовну кёмеги булан «Анжи-2» Волганы 3:0 санав булан утду.

Экинчи оюнда бизин яшёрюмлер  Красноярскини «Енисей» командасы булан ойнады. Оюнну аслу заманы 1:1 санав булан битип, командалар регламент булан гёрсетилген, бешер он бир метрлик пенальтилер урду. Онда да «Анжи-2» 4:2 санав булан утду. Бу оьтгерилген кубокну оюнларында бизин къапучу Мегьти Женнетов дёрт он бир метрлик штрафнойну гери урду ва яхшы оюн гёрсетди. Шо саялы милли лиганы кубогуну  къурум комитети Женнетовгъа «Милли лиганы кубогуну инг яхшы вратары» деген ат берди.

Энни командаларыбыз бир нече гюнлюк отпускадан сонг уьчюнчю гьазирликге гирише.

 

Шарапутдин КИШИЕВ.

Авторизация
*
*
Регистрация
*
*
*
Согласны с условиями сайта?
Генерация пароля