«Анжини» гележеги мекенсиз

Муна «Терик» булангъы оюнда къонакъланы къапусуна дёрт керен уруп, «Анжини» футболистлери 3 топ гийирди. Бизин командадан эки керен артыкъ ургъан «Терик» бир гол сама гийирип болмады. Алда да «Анжи» шолай ойнагъан буса, команда гьалиги гьалгъа тюшмес эди.

Премьер-лиганы оюнлары тамамланма эки тур къалгъанда, «Анжиге» 11-нчи майда Краснодар команданы къонакълыкъда, сонг Самараны «Крылья Советов» командасын уьйде утма герек. Онда да «Крылья Советов» къалгъан эки де оюнну утдурса… О заманда да бизин команда премьер-лигада къалмай, биринчи дивизионну, артдан санагъанда, уьчюнчю ва дёртюнчю командалары булан переходный оюнлар ойнама герек. Гьасиликалам, бизин командагъа насип – тав башда.

Команда биринчи дивизионгъа тюшсе, Бухаров, Быстров, Ещенко, Смолов, Билялетдинов йимик футболистлер командада къалажагъы мекенсиз. Олар гетсе, Гьажи Гьажиевге янгы команда къурма тюшежек.

8-нчи майда, газетибизни номери ябылгъан сонг, «Анжи-Аренада» Россияны футбол кубогуну финалы ойнала. Шо оюнда Краснодарны ва Ростовну командалары ёлугъа. Оюн нечик тамамлангъаны бизге къарангы, амма Россияны инг де тизив стадионларыны бирисинде къужурлу оюн болажагъы чы белгили.

 

А.Гьамзаев.

Авторизация
*
*
Регистрация
*
*
*
Согласны с условиями сайта?
Генерация пароля