«Анжи» милли лиганы кубогуна ойнай

Башгъа группаларда да дёртер команда бар. Группаларда биринчи ерни алгъан команда ярым финалда башгъа группада биринчи болгъан команда булан ойнажакъ.

Футбол касбучулагъа берилген соравлагъа жаваплар шагьатлыкъ этеген кюйде, Магьачкъаланы клубу милли лиганы кубогуна ес болур деп гьисап этиле. Тавуш бергенлени 26 проценти шо пикруну якълай. «Крылья Советов» деген командагъа 25 процент тавуш берилген.

Кубокну оюнларына «Анжи» составын алышдыра туруп ойнажакъ деп билдириле. Амма бир оюнну буса да «Анжи»  аслу составы булан ойнар деп гьисап этиле.

Гьали Россияны премьер-лигасында болгъан алышынывланы гьакъында сёйлейик.  Неге десе, «Анжи» бу йыл премьер-лигагъа чыгъажагъына бирев де шеклик этмей. Янгы йылны алдында болгъан Россияны футбол союзуну исполкомунда тыш пачалыкъдан гелип ойнайгъан футболистлени санавун гьар командагъа 10-гъа ерли артдырмагъа ихтияр берилген. Шо къайданы футбол касбучуланы кёплери якълай.

Россиядан къайры, Европаны пачалыкъларыны бирисинде де тыш уьлкелерден гелип ойнайгъан футболистлени санавуна дазу салынмай. Шо къайда бизин футболистлени де усталыгъын артдырма борчлу этер, олардан озма къаст этерлер деп ойлайлар.

Авторизация
*
*
Регистрация
*
*
*
Согласны с условиями сайта?
Генерация пароля