Алибий Идиков кубокну утгъан

Кикбоксингден Санкт-Петербургда оьтгерилген Россияны кубогуну ярышларында Хасавюрт районну Тотурбийкъала юртундан къумукъ улан Алибий Идиков биринчи ерни къазангъан.

Россияны бары да регионларындан гелген гючлю кикбоксёрланы арасында оьзюн яхшы яндан гёрсетме бажаргъан ва 54 кило авурлукъда, биревню де алгъа чыкъма къоймай, финалда уьст гелип, Алибий къыйматлы кубокгъа ес болгъан.


Алибий Санкт-Петербургдагъы «Патриот СПБ» деген спорт клубда кикбоксинг булан машгъул бола. Тек ол ушу-саньда ва кунг-фу журалардан да яхшы уьстюнлюклеге етме болгъан. Ушу-саньдадан ол – Европаны ва Россияны чемпиону. Санкт-Петербург шагьарны уьч керен чемпиону ва эки керен кубогун да утгъан.



Кунг-фу ябушувдан бу йыл Россияны чемпиону болду. Гетген йыл экинчи савгъатны къазангъан эди. Эки йыл алда Пекинде оьтгерилген бютюндюнья оюнларда да Алибий биринчи ерге ес болгъан.




Суратда: А. Идиков.


Авторизация
*
*
Регистрация
*
*
*
Согласны с условиями сайта?
Генерация пароля