Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Уьстюнлюгюнг булан къутлайбыз!

Уьстюнлюгюнг булан къутлайбыз!


Сентябрни 14–16-сында Белоруссияны тахшагьары Минскиде тутушуп ябушувдан «Гран-при Алескандр Медведь» деген уллу халкъара ярышлары оьтгерилген. Шоларда бизин якълы оьтемишли къыз Милана Дадашева биринчи ер къазанмагъа бажаргъан.


22 йыллыкъ чагъына да къарамайлы, Милана Дадашева –къатынгишилени арасында тутушуп ябушувда белгили кочап. Ол алда яшёрюмлени арасында кёбюсю халкъара ярышланы утмагъа бажаргъан. 2016-нчы йылда буса уллуланы арасында Россияны чемпиону болгъан, Рио-де-Жанейрода оьтгерилген Олимпия оюнларында ортакъчылыкъ этген.


2018-нчи йыл Милана учун уьстюнлюклени йылы деп де айтмагъа болабыз. Ол бу йыл Каспийскиде юрюлген Европа чемпионатында 3-нчю ерни къазангъан. Сонг студентлени арасында дюньяны чемпиону болгъан, асгер къуллукъчуланы арасында юрюлген дюнья ярышларында буса 3-нчю ерге гётерилген.


Милана Дадашева артдагъы гюнлерде Минскиден Лобня шагьаргъа (Москва област) къайтгъан. Мунда Россияны жыйым командасында оьзге къызъяшлар булан ювукъ арада болажакъ жагьиллени (23-йыл) ва уллуланы арасындагъы дюнья ярышларына гьазирлене.


Милананы тренери Светлана Грачеваны айтывуна гёре, Минскидеги ярышлар енгил болмагъан. Биринчи ёлугъув китайлы къыз Юджиао Лиу булан болгъан ва 10:3 санав булан Милананы пайдасына битген. Экинчи гезик Миланагъа къаршы белгили азербайжан кочап, 2015-нчи йылда тутушуп ябушувдан Бакюде оьтгерилген Европа оюнларыны чемпиону, бу йыл Тюркияда юрюлген «Гран-при Яшар Догу» деген халкъара турнирде 1-нчи ерни къазангъан Анжела Дороган чыкъгъан. Къыставуллу ябушувну бизин Милана 7:4 санав булан утмагъа бажаргъан. Уьчюнчю халчагъа чыгъывунда Милана ерли кочап Анастасия Канашевич булан ёлукъгъан. Яш чагъына да къарамайлы, белоруссиялы къыз Миланагъа къаршы турмагъа бажаргъан. Тек Милана 6:0 санав булан ону да утгъан ва биринчи ерге ес болгъан.


Гележекдеги ярышлар гьакъдагъы соравума Светлана Грачева булай жавап берди: «Биз бугюнлерде Лобня шагьардабыз. Къатынгишилени арасында ювукъ арада оьтгерилежек ярышлагъа гьазирленебиз. Милананы ишлери яхшы. 23 йыл битмеген къатынгишилени арасында оьтгерилежек ярышларда ол ортакъчылыкъ этежек. Сонг уллуланы арасында 22–28 октябрде Будапештде (Венгрия) болажакъ ярышлагъа да бармагъа имканлы. Шо умутуна етишмек учун Миланагъа мунда оьзюню янгы 53 кило авурлу­гъунда тутушагъан къызъяшланы утмагъа тарыкъ. Енгил масъала тюгюл».


Гьар авурлукъда ич арада болажакъ тутушувланы натижаларына гёре Россияны жыйым командасыны тренерлерини совети, Россияны спорт ябушувларыны Федерациясыны ёлбашчылары чыгъаргъан къарар спортсменлеге дюнья ярышларына бармагъа ёл ачажакъ.


Пагьмулу спортчубуз Милана Дадашеваны халчадагъы ишлерине даим тергев береген къурдашлары, Минскидеги уьстюнлюк булан къутлай туруп, огъар ва тренери Светлана Грачёвагъа гележекде дагъы да уллу уьстюнлюклер ёрайбыз, янгы умутларын яшавгъа чы­гъаражагъына инанабыз.



Количество показов: 270
28.09.2018 15:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта