Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къаравуллангъан уьстюнлюк

Къаравуллангъан уьстюнлюк

 

Четверг, 10.05.2018г. - "ЁЛДАШ".


Тутушуп ябушув – спортну кёп пачалыкъларда къолланагъан журасы. Спорт ябушувдан дюньяны, Европаны, Азияны чемпионатлары, Олимпия оюнлары оьтгериле. Тутушуп ябушувну федерациясына (ФИЛА-гъа) 200-ден де артыкъ уьлкелер къуршалгъан. ФИЛА-ны къарары булан Европаны чемпионаты бу йыл бизин Каспийскиде апрелни 30-ндан майны 6-сы болгъунча юрюлдю. Ярышларда 35 пачалыкъны спортчулары ортакъчылыкъ этди.


ЯРЫШЛАНЫ БИРИНЧИ ГЬАСИЛЛЕРИ


Спортну ябушув журасыны уьч къайдасы бар: грек-рим ябушув, тиштайпаланы арасында тутушуп ябушув ва тутушуп ябушув. Каспийскиде оьтгерилеген ярышлагъа спортну бирдагъы къайдасы – грэплинг де къошулду.


Башлап грэплингден ярышлар оьтгерилди. Дагъыстанлы кочаплар аслу гьалда бары да авурлукъларда биринчи ерлеге ес болдулар. Оланы арты булан халчагъа грек-рим ябушувну усталары чыкъдылар. Эки гюнню узагъында юрюлген тогъатартывланы натижасында Россияны жыйым командасы 4 алтын, 2 гюмюш ва 1 бронза медаллар къазанып, 1-нчи ерге ес болду. Оланы уьстюнлюгюн къатынгишилени жыйым командасы да гертиледи (2,3,1). Къатынгишилени командасы да ярышланы оьр канзисине гётерилмеге бажарды. 50 кило авурлукъда тутушгъан оьтемишли къыз Милана Дадашева команданы уьстюнлюгюне яхшы къошум этди. Ол оьзюню авурлу­гъунда 3-нчю ерни къазанды.


Спортну сюегенлени, ярышланы ортакъчыларыны айтывларына гёре Европа ярышлары бек къурумлу онгарылгъан. Россияны жыйым командаларыны баш тренерлери Г.Когиашвили, Ю.Шахмуратов командаларыны уьстюнлюклерине рази болгъан.


ДАГЪЫСТАН – ТУТУШУП ЯБУШУВНУ ВАТАНЫ


Булай сёзлени мен гьавадан алып айтмайман. Тутушув ябушувда Европа ярышларында дагъыстанлы кочаплар 1966-нчы йылдан башлап ортакъчылыкъ эте. Оьтген 50 йылны ичинде бизин спортсменлер 168 медаль къазангъанлар: 87 – алтын, 35 – гюмюш ва 46 – бронза медаллар. Шоланы ичинде 14 алтын, 7 гюмюш, 11 бронза медаллар – тыш уьлкелени командалары учун тутушгъан яшланыки.


Айрыча спортсменлени алгъанда, Бувайсар Сайтиев 6 керен Европаны чемпиону болгъан. Къурамагьаммат Къурамагьамматов 5 алтын ва 1 гюмюш медальгъа ес болгъан.


Каспийскиде оьтгерилген Европа ярышлары да Россияны спортсменлерини уллу уьстюнлюгю булан тамамланды. Шогъар дагъыстанлы яшлар аслам къошум этди. 10 адамдан къурулгъан жыйым командагъа 7 дагъыстанлы ва 3 осетиялы кочаплар гирген эди. Оланы 6-ву Европада 1-нчи, 2-вю буса экинчи ерлеге ес болдулар. Бу уллу уьстюнлюк деп ташдырып айтмагъа болабыз. Тек о гьакъда айрыча айтмагъа тюше.





БИРИНЧИ ГЮННЮ НАТИЖАЛАРЫ


Биринчи гюн, майны 4-нде, халчагъа 57, 65, 70, 79 ва 97 кило авурлукъларда тутушагъан кочаплар чыкъдылар.


Ярышланы 57 кило авурлукъда тутушагъан чагъаротарлы къумукъ улан Завур Угуев башлады. Ол биринчи ёлугъувда сербиялы кочап Стеван Мичич булан ёлукъду ва къыставуллу тогъатартывну 6:4 санав булан оьзюню пайдасына битдирди. 65 кило авурлукъда къаягентли белгили кочап, Европаны чемпиону Ильяс Бекболатов Молдавиядан гелген А.Перпелитаны 8:2 санав булан утду. Дюньяны чемпиону Магьаммат Къурбаналиев (70 кило), Агьмат Гьажимагьамматов (79 кило), Владислав Байцаев (97 кило) да биринчи ёлугъувлардан уьстюнлю оьтдюлер. Экинчи ёлугъувларын бизин бары да кочапларыбыз дагъы да яхшы оьтгерип, оьзлени авурлукъларында ярым финалгъа чыкъмагъа бажардылар.


Экинчи гезик халчада бизин И.Бекболатов гюржюлю кочап дюньяны ва Олимпия оюнланы чемпиону Владимир Хинчигашвили булан ёлукъду. Ильяс бизин шекленмеге де къоймады. 6:0 санав булан Хинчигашвилини утмагъа бажарды. Завур Угуев буса 10 бал къазанып, Испанияны командасында тутушагъан гюржюлю Леван Метревелини енгилмеге борчлу этди. Ильяс да польшалы кочап Кжыштоф Бьеновскни енгил утду. 70 ва 79 кило авурлукъларда тутушагъан дагъыстанлылар М.Къурбаналиев ва А.Гьажимагьамматов гючлю кочаплар, дюньяны чемпиону З.Якобишвили ва Европаны чемпиону Ж.Гьасанов булан ёлукъдулар. Авур ябушувларда олар оьзлени къаттылыгъын гёрсетдилер. Шо буса олагъа финалгъа ёл ачды.


Биринчи ер учунгъу тогъатартывлар экинчи гюнню ахшамында болду. Тек о ахшам эки де къумукъ яшлар учун къуванчлы болмады. Шогъар биз де бираз пашман болдукъ. Себеби де булай. Завур гюржюлю кочап, Европаны эки керен чемпиону Г.Эдишерашвилиге къаршы болду. Ёлугъувну биринчи яртысы 3:0 санав булан бизин спортчуну пайдасына битди. Ябушувну экинчи яртысында да Завур халчада гюч этип турду. Тек ябушув битмеге 10 секунд къалгъанда ол гюржюлюню гьаракатын токътатмагъа болмады. 4 бал, шону булан ябушувну да утдурду. Экинчи кочабыбызны халчагъа чыгъыву да Угуевники йимик болду. 7:2 санав булан утуп барагъан Ильяс артдагъы 24 секундну ичинде оьзюне къаршы чыкъгъан азербайжанлы дюньяны уьч керен чемпиону Гьажи Алиевге 6 бал утдурду ва 65 кило авурлукъда экинчи болуп токътады.


70 кило авурлукъдагъы кочабыбыз М.Къурбаналиев де финалда барыбызны да гьалеклендирди. Тенг юрюлген ябушувда судьялар не буса да ябушув бизин кочапны пайдасына битген деп къарар чыгъардылар. Шондан сонг биз бираз рагьатландыкъ. 79 кило авурлукъдагъы кочабыбыз Агьмат Гьажимагьамматов германиялы кочап М. Обстны инамлы утду. Ону уьстюнлюгюн В. Байцаев (97 кило) давам этди. Натижа: 3 алтын, 2 гюмюш медаллар бизин яшлагъа тюшдю. Яман тюгюл.





САЙДУЛЛАЕВ БАРЫБЫЗНЫ ДА СЮЮНДЮРДЮ


Дюньяны ва Олимпия оюнланы чемпиону Абдулрашит Сайдуллаев спортну тутушуп ябушув журасында лап гючлю кочап деп айтсакъ, янгылыш болмасбыз деп эсиме геле. Артдагъы бир нече йыллар ол утдурув деген затны билмей демеге ярай. Шону учун ону гьар тогъатартывуна адамлар кёп сююп гелелер ва уллу къуванч алалар. Огъар савлай дюньяда «Орус танк» деп негьакъ айтылмай. Бу гезик де Абдулрашит финалдан къайры, ябушувларын белгиленген болжалдан алда, ябушувларыны биринчи яртысында битдирип турду. Арт вакътилерде А.Сайдуллаев йимик инамлы тутушагъан кочапланы сыдырасына каспийскили кочап Гьажимурат Рашитовну (61 кило) атын да язмагъа ярай. Ол къатты хасиятлы, чыдамлы, халчада не этмеге тарыкъ экенни билеген яш кочап. Бу ярышларда да ол оьзюне къаршы чыкъгъан кочапланы утув деген ойланы унутмагъа борчлу этди. Биринчи ер учунгъу тогъатартывунда да ол гюржюлю Бека Ломтадзени 4:1 санав булан утду ва экинчи гезик Европаны чемпиону болду.


Финалгъа чыкъгъан уьчюнчю кочабыбыз Артур Найфонов (86 кило), жагьиллигине де къарамайлы, къыставуллу тогъатартывунда Азербайжанны командасына гирген осетин кочап Александр Гостиевни утмагъа бажарды ва биринчилей Европаны чемпиону деген атгъа ес болду.


Уьч гюнню узагъында Каспийскиде юрюлген Европа ярышларында Россияны грек-рим ябушув, тиштайпаланы арасындагъы тутушуп ябушув ва тутушуп ябушувдан жыйым командаларыны ортакъчылары, оланы тренерлери макътардай уьстюнлюклеге етишдилер. Башында Жамболат Тедеев булангъы Россияны тутушуп ябушувда жыйылгъан, сыкълашгъан кочапларыны оьр натижалары барыбызны да айрыча сююндюрдю.


Майны 6-сында ярышлар тамамланды. Оланы ахырындагъы чарада ярышланы оьтгериливюне, къурум комитетни членлерине разилик билдирилди. Сонг ярышланы ортакъчылары: къонакълар, спортсменлер байрам ахшам аш хабывгъа чакъырылдылар. Ону барышында да ярышлагъа, спорт­сменлеге, халкъара ярышлар дослукъну, парахатлыкъны гьислерин тувдурагъаны гьакъда кёп исси сёзлер айтылды. Гелеген йылгъы Европа ярышларыны есилерине пайдалы ёравлар этилди.




Количество показов: 212
10.05.2018 11:45

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта