Курск бойдагъы давланы 75 йыллыгъына багъышлангъан


Бугюнлерде, ачыкълашдырып айтгъанда, август айны 2-синден 7-сине ерли Курск шагьарда Бютюнроссия оюнлар юрюле. Эсгерилген шо оюнларда 39 спортчу къуршалгъан Дагъыстанны жыйым командасы да ортакъчылыкъ эте.


 


ДР-ни физкультурагъа ва спортгъа къарайгъан минис­терлигини прес-къуллугъу билдиреген кюйде, бу йыл мердешли кюйде, Курск ябушувну 75 йыллыгъына багъышланып он экинчилей юрюлеген шо оюнларда бизин уьлкени 67 регионундан гелген 3 мингге ювукъ адам ортакъчылыкъ эте.



Бютюнроссия юрт оюнларда ортакъчылыкъ этегенлер, умуми кюйде алгъанда, спортну армрестлинг, баскетбол, волейбол, енгил ва авур атлетика, самбо, авурлукъланы гётерив, олай да оьзге жураларындан тогъатарта. Шондан къайры да, шо оюнларда халкъны арасында асруланы боюнда мердешли кюйде юрюлюп гелеген спорт­ну жураларындан да сынавлар оьтгериле. Шону булан бирге, оланы барышында сыйыр савагъанлар, бичен чалагъанлар, механизаторлар ярышгъа чыгъа­жакъ.



Бютюнроссия юрт оюнларда ортакъчылыкъ этеген дагъыстанлы спортчулар шоланы оьлчевюнде юрюлеген ярышларда гьар гезикде алдынлыланы сыдыраларына гирип гелегенин шу ерде айрыча айтмагъа тюше. Бугюнлерде де олар оьрлюклеге элтеген кюйде оьзлени бажарывлугъун гёрсетежегине шеклик этмейбиз.



Авторизация
*
*
Регистрация
*
*
*
Согласны с условиями сайта?
Генерация пароля