Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Янгы центр ачылды

Янгы центр ачылды


Итнигюн, июль айны 2-синде, Хасавюрт районну Эндирей юртунда Россияны халкъларыны мердешли маданиятыны центры ачылгъан. Эсгерилген центр районну башчысы Жамболат Салавовну сиптечилиги булан ярашдырылгъан алдынгъы маданият къаланы бинасында ерлешген.

            _________________________________________________


Шо маданият идараны ачылывуна байлавлу болуп оьтгерилген шатлыкъ чараларда Дагъыстанны маданият министри Зарема Бутаева да ортакъчылыкъ этген. Ону сёзлерине гёре, юртлулагъа маданият-ярыкъландырыв ишни гележекде жанландырмагъа ва камиллишдирмеге яхшы имканлыкълар яратылгъан.

– Шо центрда торайып гелеген яш наслуну патриот ругьда тарбиялавгъа, олай да террорчулукъ гьаракатгъа къаршы ишлени юрютмек бек агьамиятлы болуп токътай.

Сонг да, «Варислер» деген яшёрюмлерини янгы иш башлагъан центрында да гьар тюрлю кружокланы ишге салма тюшежек. Центр Дагъыстанны Конституциясыны гюнюню алдында ачылгъаны да маъналы болуп чыгъа. Дагъыстанлыланы гележеги шонда яшайгъан халкъланы мердешли маданиятын сакълав булан туврадан-тувра байлавлу. Дагъыстанны маданияты бизин оьзтёречелигибизни сакъламагъа болушлукъ эте, – деген З.Бутаева.

ДР-ни маданият министри эсгергени йимик, Россияны халкъларыны мердешли маданиятыны центрларын ачыв юртларда маданиятны оьсдюрювге элтеген агьамиятлы чаралар болуп токътай.

–ДР-ни Башчысыны сиптечилигине гёре, 2013-нчю йылдан тутуп, савлай Дагъыстанда ватандашлар ял алагъан маданият уьйлени еринде гьалиги талаплагъа жавап береген Россияны халкъларыны мердешли маданият центрлары ачыла. Бугюнлеге ерли савлай республикада шолай идараланы санаву 300-ге етише. Центрланы ачылагъаныны яхшылыгъындан юртларда милли опуракъланы ва халкъ согъув алатланы лабораториялары, олай да халкъ чебер саниятчылыкъгъа уьйретеген устаханалар, халкъны тарихи ва маданияты гьакъда маълумат береген музейлер де ачыла, шону булан бирге чебер иш гёреген коллективлени гьаракаты да жанлана, – дей культура министри.

Бизин мухбирибиз.

Количество показов: 318
31.07.2017 07:01

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта