Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Уьч мююшлю кагъызлар

Уьч мююшлю кагъызлар

Шо йылларда гьар агьлюде сабурсуз къаравуллайгъан «Полевая почта» деген мюгьюрлю Уьстюнлюкню гюню учун къанын-жанын аямай ябушгъан шо замангъы жагьил уланлар язгъан уьч мююшлю ка­гъызлар бугюнлерде бизин уьлкени тарихини унутулмайгъан шагьатлары болуп къалгъан. Арадан оьтген йылланы таъсиринден олар гьали тавшалып, саргъайгъан буса да, бизге Ватаны халкъны азатлыгъы учун ябушгъан авур йылланы эсге сала. Олар къагьрулу йылланы гьакъындагъы эсделикни гележек наслулагъа сакълай. Бир де къопдурувсуз айтгъанда, бютюндюнья тарихи маънасы булангъы Уьстюнлюкге етишгенибизни эсге сала.

Къарабудагъгентдеги юрт музейде де эсгерилген идараны директору Айгьанат Алиеваны къасты булан шолай уьч мююшлю кагъызланы бир нечеси тюгесинмежек варисликдей аявланып сакълангъан. Ону изнусу булан гьали биз шоланы экисин охувчуларыбызны тергевюне беребиз.

Биринчи кагъыз – Зайналбек Парзавовну дав майданлардан язгъан ахырынчы кагъызы. Шо уьч мююшлю кагъыз бек тавшалгъан. Кагъыздагъы язывлар да гьаран гёрюне. Шо саялы, ону къысгъартып, ол оьзю язгъан кюйде беребиз:

«Салам кагъыз. Атагъыздан сыйлы, исси саламлар болсун мен Парзавдан мени аявлу гиевюме ва азиз къызардашыма, Ниъмавгъа, Гьажиге, Магьдиге ва бары да мени сорагъан авул-хоншулагъа да. Саламдан сонг мени мурадым сиз сав ва саламат болмакъдыр. Мени гьалымдан сорасагъыз, мен де кёп яхшыман. Гьажи, сен йиберген кагъыз магъа май айны 16-нда гелди, мен де жавап яздым, май айны 17-нде кагъыз салдым, аявлу къардашым Гьажи, сени кагъызынгны алып охугъандан сонг, юрегим шат болду…» (Кагъызны ахырын охумагъа бажарылмай, язывлары гёрюнмей).

Ибрагьим Исмайылов къуллукъ этген полкну командирини политика якъдан заместители, гвардия майор Головин ону агьлюсю Руштакъгъа йиберген къайгъылы кагъызында буса булай айтыла:

«Сизин кёп сюеген уьягьлюгюз гвардия старший лейтенант Ибрагьим Исмайылов 1943-нчю йылны октябрь айыны 14-нде Запорожье областны Октофербельд юртун немец-фашист елевчюлерден азат этмек учун юрюлген ябушувда къоччакъ кюйде жан берди.

Кёп миллетли дагъыстан халкъыны ва коммунист партия­ны инамлы уланы Исмайылов батальон­ну командирини политика якъдан заместители болуп къуллукъ этеген вакътисинде оьзюн айрыча гёрсетмеге бажарды. Юрюлеген давланы къагьрулу мюгьлетлеринде Исмайылов батальонну бёлюклерини солдатларын дав ишлеге, къоччакълыкъгъа ругьландыра эди. Немец-фашист елевчюлер тюп болажагъына солдатланы инандыра эди.

Савбол, аявлу ёлдашыбыз Исмайылов Ибрагьим! Немис елевчюлеге – оьлю­м! »

Давдан гелген шолай уьч мююшлю кагъызлар гьалиги торайып гелеген нас­луну патриот ругьда тарбияламагъа кёмек этегенине шек ёкъ.

 

Н. Байболатов.

Количество показов: 479
14.05.2014 08:27

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта