Наида Моллаева – илмуланы доктору

Ол 1967-нчи йылда Хасавюрт шагьарда, минасы боташюртлу Ражапны агьлюсюнде тувгъан. Школаны битдирген сонг Дагъыстан медицина академиягъа охума тюшген. Академияны яхшы къыйматлар булан битдирип, касбусуна гёре ишин башлай ва илму булан да машгъул бола.

Гьалиден он йыл алда Наида Моллаева илмуланы кандидаты, гьали буса ол психиатрияны Москвадагъы илму-ахтарыв институтунда «Психология, здоровья детей, проживающих в йоддефицитной зоне» деген темагъа язылгъан ахтарыв ишин якълап, медицина илмуланы доктору болду.

– Докторлукъ диссертацияны мен Москвадагъы илму центрда якъладым. Шо теманы айланасында мен кёп ахтарывлар оьтгердим ва ону уьстюнде алты йыл ишледим.

Бугюн мен Дагъыстан медицина академияны «Психическое здоровье детей, наркологии и медицинской психологии» деген кафедраны ёлбашчысыман. Бизин кафедрагъа гетген йыл 80 йыл битди. Психология – терен илму. Студентлеге лекцияланы къужурлу охума къаст этемен. Кафедрада мени булан дагъы да белгили 6 алим ишлей, – дей Наида.

Илмуланы доктору къумукъ къыз Наида Моллаевагъа ишинде уьстюнлюклер ёрайбыз.

Измулла ГЬАЖИЕВ.

Авторизация
*
*
Регистрация
*
*
*
Согласны с условиями сайта?
Генерация пароля