ИШНИ ЁРУКЪЛАШДЫРМАКЪ УЧУН

Оьрде айтылгъан закон гючге гийирилгенлик булан ёл юрюш къайдаларына да бир тюрлю алмашынывлар этмеге тюшген. Неге тюгюл, гьалиге ерли ёл юрюшню низамын токъташдырагъан къайдаларда таксилеге салынагъан талаплар язылма­гъан эди.

Шондан къайры да, январ айны 1-нден тутуп, административ якъдан низамны бузувланы гьакъындагъы кодексге де алмашынывлар этилген. Шо алмашынывларда адамланы, гьар тюрлю юклени ташывну ёругъун бузагъанланы такъсырламакъ гёз алгъа тутула. Шолай да, автомашинге такси ярыкъ белгисин, олай да гьар тюрлю ренкли язывланы законсуз кюйде ихтияр алмайлы ерлешдирип гьайдайгъанлар такъсырланажакъ. Тек этилген шо алмашынывлар кёбюсю гьалда бугюнлерде де яшавгъа чыгъарылмай къала. Неге тюгюл, гьалиге ерли таксилени ишине байлавлу талаплар ёл юрюшню низамын токъташдырагъан къайдаларда гьалиге язылмагъан эди. Демек, оьрде эсгерилеген кодексинде такъсырлав талап этилсе, ёл юрюшню низамын токъташдырагъан къайдаларда къайсы гезиклерде такъсыргъа тартылмагъа тюшегени гьакъда язылмай тургъан. Шо гьалны гёз алгъа тутуп, Россия Федерацияны Гьукуматы таксилени ишин ёрукълашдырагъан тийишли алмашынывлар этген ва ёл юрюшню низамын токъташдырагъан къайдаларында язгъан. Шолар апрель айны 13-нден тутуп яшавгъа гийирилген.

Ёл юрюшню низамын токъташдыра­гъан къайдаларында ачыкъ кюйде иш юрютеген таксилеге салынагъан талапланы да мекенлешдирейик. «Транспорт къуралны гьайдавчусу адамланы ва гьар тюрлю юклени ташымагъа ихтияр береген кагъызланы ва путевой листни оьзюню ягъында сакъламагъа герек. Шоланы закон булан токъташдырылгъан гезиклерде полицияны къуллукъчуларына термеге бермеге тюше» (ёл юрюшню низамын токъташдырагъан къайдаларыны 2.1.1. пункту).

            Ёл юрюшню низамын токъташдыра­гъан къайдаларыны транспорт къуралны къоллавгъа ва жаваплы къуллукъчуларыны ёл юрюшню аманлыгъын болдурувну гьакъындагъы аслу гесимлерини 51 пунк­тунда булай язылгъан: «Такси гьисапда къолланагъан транспорт къурал таксометр булан ясандырылмагъа, ону уьст ягъында (эки де ягъасында) шахмат къайдада ерлешдирилген тюслю дёртгюл бёлмели, гьар тюрлю ренкли белги, уьстюнде къызгъылт сари ярыгъы болмагъа тарыкъ».

Адамланы ва гьар тюрлю юклени ташымакъ учун ихтияр береген кагъызлары болмай туруп, машин гьайдавчугъа шолай ясандырылгъан енгил автомашинни ишлетмек гери урула. Демек, тийишли ихтиярлары ёкъ кюйде адамланы ва гьар тюрлю юклени ташыйгъанлар къатты кюйде такъсыргъа тартылажакъ.

Шолайлыкъда, гетген йылны ахырындан тутуп, ГИБДД-ни къуллукъчуларына  таксилени тергемеге ва оьзюне алмашынывлар этилген административ якъдан низам бузувланы гьакъындагъы кодексни гьалиге ерли къолланмай турагъан гесимлерин яшавгъа чыгъармакъ учун шартлар яратылгъан.  Шону булан бирге законсуз иш гёреген таксистлени такъсыргъа тарт­магъа имканлыкъ берилген. Ачыкълашдырып айтгъанда, адамланы ва юклени ихтиярлары ёкъ кюйде ташыйгъанлагъа 12.3 номерли статьяны 2.1 бёлюгюне гёре  5000  манатны къадарында къоду салына. Оьзюне таксини ярыгъын законсуз кюйде салып, транспорт къуралны гьайдайгъангъа да 12.5 номерли статьяны 4.1 бёлюгюне гёре 5000  манатны къадарында къоду салынажакъ. Шону булан бирге ярыкъ белгиси ва олай да  ону машинини номерлери чечилип чыгъарылып алынажакъ. Путевой листи ёкъ кюйде транспорт къуралын гьайдайгъангъа да 12.3 номерли статьяны 1-нчи бёлюгюне гёре 500 манатны къадарында къоду тёлемеге тюшежек.

Ич ишлер министерлигини Магьачкъала шагьаргъа къарайгъан управлениесини ОГИБДД-сини къуллукъчулары оьзюне алмашынывлар этилген ёл юрюшню низамын токъташдырагъан къайдаларын гьисапгъа алып, енгил автомашинлерин таксилер гьисапда законсуз къоллап, адамланы ташыйгъанланы малим этивге бакъдырылгъан чараланы гележекде  гьар гюн де оьтгерип туражакъ. Шо саялы ёл юрюшню низамын токъташдырагъан къайдаларына этилген алмашынывлагъа къыйышывлу этилип, транспортну есилерине ювукъ вакътини ичинде оьзлер ачыкъ кюйде иш юрютмеге болар йимик чаралар гёрмеге чакъырабыз.

 

 

 

Радик Гафизов,

Ич ишлер министерлигини Магьачкъала шагьаргъа къарайгъан управлениесини ОГИБДД-сини пропаганда юрютеген инспектору, полицияны старший лейтенанты.

Авторизация
*
*
Регистрация
*
*
*
Согласны с условиями сайта?
Генерация пароля