Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Ихтиярлардан пайдаланмакъ учун...

Ихтиярлардан пайдаланмакъ учун...

Шогъар да къарамайлы, ерлерде топуракъ ва муниципал реформаланы талаплары яшавгъа чыгъарылмайгъаны саялы, кёп къадарда разисизликлер тувулуна. Неге? Неге тюгюл, айып бизде де бар. Айтмагъа сюегеним, законлар бизин пайдаларыбызны якълап чыгъарылмай деп Конституция ихтиярларыбызны якълама къарамай, айсениликге бойсынабыз.

Шону гьисапгъа алып болмагъа ярайдыр, РФ-ни Пачалыкъ Думасында гьали-гьалилерде «Россия Федерацияны ерли гьакимлик къурулувуну асувлу кюйде чалышывун ёрукълашдырмакъ учун федеральный законгъа алмашынывлар этивню гьакъында» деген янгы законну  къабул этивге байлавлу болуп ерлерде башгъа-башгъа таклифлер арагъа чыгъарыла.

Шогъар байлавлу болуп Магьачкъалада бугюнлерде Дагъыстанны Халкъ Жыйынындагъы «Единая Россия» деген партияны фракциясыны башчысы Юрий Левицкийни прес-конференциясы оьтгерилди.

– Дагъыстанны Башчысы Рамазан Абдулатиповну ва ДР-ни Халкъ Жыйыныны Председатели Хизри Шихсайитовну сиптечилиги булан бизин республикабызда да ерли шартланы ва имканлыкъланы гьисапгъа алып таклифлер гьазирлене, – деди ол оьзюню баяныны башында. – Неге тюгюл, шо законну къабул этегенде, масъалагъа савлай уьлкени оьлчевюнде умуми кюйде янашмагъа тюшмей. Регионлар Россияда кёп ва шо масъала да янгы законда оьзтёрече гьисапгъа алынма тарыкъ.

Арагъа салынгъан агьамиятлы масъалагъа байлавлу  республикабызны маълумат къуралларыны вакиллери кёп къадарда соравлар берди. Юрий Левицкийни токъташдырывуна гёре, оьз ишин оьзлер юрютеген муниципал къурулувлары учун янгы законда гёз алгъа тутулгъан муратлар яшавгъа чыгъарылса, гележекде ишлерибиз ва яшавубуз хыйлы алгъа гетежек.

Озокъда, шону булан бирге ерлерде къурумланы ва ватандашланы ихтиярларын якълавну уьлкебизни баш закону Конституциягъа кюрчюлендирмеге рагьат болажакъ. Демек, Россияда, шолайлыкъда пачалыкъ ва ерли муниципал къурулувларыны борчларын белгилевге оьзтёрече янашыв регионларда тувулунагъан рази­сизликлени алдын алажакъ.

 

 

 

Къ. КЪАРАЕВ.

Количество показов: 348
20.06.2014 13:36

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта