Ерин адам безей

– Райса, уборщицаны ишин сайлама­гъынга не зат себеп болду? – деп сорайман огъар.



– Школаны нечакъы яхшы къыйматлагъа битдирген бусам да, охумагъа насип болмады. Школаны да, яшланы да яшдан берли де кёп сюемен. Ондан къурумлу юрюлеген гьаракатлар, асил ва мекенли низам, бир де шатлыгъы ва гьаракаты сёнмейген, чечеклерден бал сув жыягъан балжибинлер йимик, билим жыягъан охувчулар бютюн юртну гёнгюн къурагъандай гёремен. Шону учун буса ярай, каникулланы вакътисинде юртну яшаву сёне барагъан лампаны ярыгъы йимик, гёнгюрт гёрюне. Шо саялы школаны директоруна тилеп, ер чыкъгъандокъ, ишге тюшдюм, – дей.

Шо гюнден башлап, ишине уллу иш къастлы, муаллимлеге ва охувчулагъа гьюрметли янаша. Администрацияны гьар къайсы тапшурувун да тындырыкълы кюте, оьзюне бегилген клас-кабинетлени тазалыгъын оьр даражада болдура. Школаны администрациясы ону кёп керенлер гьюрметли грамоталар, баракаллалар ва премиялар ва башгъа савгъатлар булан белгилеген.

– Райса, ишлейгенигиз хыйлы бола, пенсиягъа да чыкъгъансыз, къыйын тюгюлмю? – деймен.

– Сиз оьзюгюз школада ишлейгенде: «Яшлар малайиклер, оланы гьакъ юрекден сююп, тюз ёл гёрсетип, бажарывлу кюйде ишлейген адамгъа савап аслам, сый да артыкъ болажакъ. Ондан къайры да, яшлар – яшавну къуванчы, оланы арасында турагъанда, яшавну къайгъыларындан айрыласан, яшлыгъынг булан ёлугъасан», – дей эдигиз. Инаныгъыз, школагъа гелмей уьйде къалагъан бир къаттыгюн де магъа узакъ гёрюне, – деп иржая Райса Исмайылова.

Гертиден де, таза ойлу, исбайы бойлу, адилликни, гертини кёп сюеген яшлагъа гьакъ юрекден этилеген къуллукъну оьмюрю узакъ, пайдасы да артыкъ болажагъы чы гьакъ герти.

Биз Райса Исмайыловнагъа, ону ишсюер агьлюсюне, ишде уьстюнлюклер, къатты савлукъ, татывлу агьлюсюнде насип ёрайбыз.

А.Г. Батаев.

Мычыгъыш Республика.

Авторизация
*
*
Регистрация
*
*
*
Согласны с условиями сайта?
Генерация пароля