Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Булай адамлар арабызда болгъан сонг...

Булай адамлар арабызда болгъан сонг...

Гертиден де, оьзюню къурч загьматы булан яшавда насибин де, талайын да тапгъанлагъа тергев этмеге герек. Мени макъаламны игити тап шолай адамланы бири.
Азирхан Гьажиев уллу къуллукъланы башын тутмаса да, ону Бабаюрт районда танымайгъан адам аздыр. Айтагъаным, Азирхан 45 йылланы узагъында бир къуллукъда загьмат тёге. Ол Бабаюрт район больницаны баш врачыны шофёру болуп ишлеген.
Азирхан Бабаюрт районну Герменчик юртунда Агьматны ва Зугьраны загьматчы агьлюсюнде тувгъан. Ол школада охуйгъанда, оланы агьлюсю Бабаюртгъа гёче. Азирхан 8 класны охуп битдирген. Ондан сонг агъасы Муратхан йимик, шофёр курсларда охуй. 1968-нчи йыл Ульяновск областны Арзамас шагьарында асгер къуллугъун кютюп къайта. Онда да ол машин гьайдавчу болгъан.
1969-нчу йылда ол Бабаюрт район больницагъа ишге геле. О замангъы больницаны баш врачы ону оьзюне шофёр этип ала. Муна шо къуллукъда ол намусу ва ягьы буллан 45 йыл загьмат тёге. Озокъда, шо йылланы боюнда больницада 9 баш врач алышынгъан, амма Азирхан буса ишинден таймай чалышгъан.
Гьакимни шофёру болуп ишлемеге тынч тюгюл. Гьар адамны оьзюню хасияты, къылыгъы, турушу-битими башгъа бола. Амма Азирхан гьар янгы гьаким булан ортакъ тил табып, гелишип ишлемеге бажаргъан. Ёлбашчылар алышынып турса да, Азирханны къылыгъы бирден экиге алышынмагъан. Даим де ол сав-саламат туруп, оьзюне тапшурулгъан борчлагъа жаваплы ва гьайлы кюйде янашгъан.
Азирханны шофёр болуп ишлеген стажы 48 йылгъа етише. Шо йылланы узагъында ол ГАИ-ни янындан бир де буварыв алмагъан. Ёл низамны бузмагъан Азирханны машини де гьар заман да тетиксиз ишлеген.
–Машинге де адамгъа йимик жанлы ва гьайлы кюйде янашма герек. Шо заманда о бир де инжитмей ишлежек. Къарав болмаса, техника къолдан чыкъма, бузулма болагъанын унутма тюшмей. Мен ишимде оьзюмню жаваплыгъымны гьар гюн де, гьар сагьат да гьис этемен,–дей Азирхан.
Гертиден де, Азирхангъа тапшурулгъан машин даим де ишлеп тура. Ону машини бузулуп, ишге чыкъмай къалгъан гезиклер болмагъан. Яда буса ону машини бузулгъан деп эшитген адам да ёкъ.
–Оьзюне берилген машинни ол таза кюйде сакълай, ёлгъа чыкъмагъа даим де гьазир тура. Адамгъа йимик, машинине де ол гьайлы янаша. Азирхан сав-саламатлы, илиякълы адам,–дей бугюнлерде Бабаюрт больницаны баш врачы Жамина Алиева да. –Огъар инанмагъа, таянмагъа бола. Гьар гюн адамны бир кюйде иржайып къаршылай. Мени иш гюнюм ону исси иржайывундан башлана деп айтсам да ялгъан болмас.
Азирханны ишине оьр къурумларда да агьамият бермей къоймагъан. Дейгеним, огъар «Дагъыстанны савлукъ сакълав тармагъыны отличниги» деген белги тапшурулгъан. Гьар йыл дегенлей медицина къуллукъчуланы касбу байрамына байлавлу болуп ону гьюрметлев грамоталар, баракалла кагъызлар булан савгъатлайгъанлыгъы да адатланып къалгъан.
Азирхан «Загьматны ветераны» деген медальгъа да ес болгъан. Загьматчы адамгъа этилинеген гьюрмет, абур-сый кёп болмай. Оьмюрюн иш булан йиберген адамлагъа макътав да тийишли. Бугюнлерде Азирхан Гьажиев, чагъына да къарамайлы, жагь ва къуватлы гёрюне. Даим де адамгъа оьзюню къолундан гелеген кёмекни этмеге гьазир. Олай адамлар арабызда бар туруп, бизин яшавдан берекет, инсаплыкъ, адиллик таймажакъгъа инанаман.
Азирхан агьлю ёлдашы Камила булан уьч уланны оьсдюрген ва тарбиялагъан. Экинчи уланы Макъсут атасыны яннавурунда ишлей. Ол больницада машин гьайдавчуну касбусун узата.
Ишин де кёп сюеген, агьлюсюнден де сююнюп яшайгъан Азирхан Гьажиевге яшавунгда сююнч булан къуванч гюнлеринг кёп болсун деп, узакъ оьмюр ёрайман.

Бэлла Гьажигелдиева.
Суратда: Азирхан Гьажиев.
Количество показов: 443
25.04.2014 15:58

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта