Авитаминоздан сакъ болугъуз!

Врачлар адамны савлугъу тёбенлешип, къаркъарасыны гючю аз бола барагъанны витаминлер етишмейгенлиги булан англата. Бир тайпа витаминлер булангъы къатыкъны кёп заманны ичинде ашамай тургъанлыкъны натижасында авур аврувгъа тарымагъа бола. Мисал учун, кёп тюрлю цитрус емишлерде болагъан С витаминни (аскорбиновая кислота) къолламайгъанлыкъны себебинден цинга деген аврувгъа тарымагъа бола. Бу аврувну натижасында тишлери чайкъалып, тишэтлери къанайгъан болуп, тамурларыны ва жымчыкъ этлерини тирилиги кемиме башлай. Эсгерилген цинга аврувну белгилери 4-12 жуманы ичинде башлана, дагъы да 4–6 айланы ичинде С витамин адамны къаркъарасына юкъмай буса, бу аврув оьзюню гючюн гёрсете.

В1 витамин етишмейгенликден буса адамны орта башмайы зараллана яда полиневрит деп айтылагъан нерваларын заралландырагъан аврувгъа тарымагъа бола.

РР витаминни етишмейгенлиги диарея, дерматит, деменция аврувлагъа тарытма имканлы. 4–5 йылны ичинде сизин ашавугъузда ниацин яда РР витаминлер бар къатыкъ къолланмай буса, кёп авур аврувгъа тарытма да бола.

Эгер де къаркъарагъызны гьалында оьрде эсгерилген белгилер бар буса (тез къавшалгъанлыкъ, аз иш этгендокъ, арыйгъаныгъыз, эсигиз аз болагъанлыкъ) сизин ашавугъузда витаминлер булангъы къатыкъ аз болмагъа ярай.

Артдагъы йылларда айрокъда биз ашайгъан ашамлыкъларда витаминлер аз экенин, къаркъарабызгъа таман чакъы витаминлер булан йылны боюнда таъмин этип болмайгъанны врачлар да эсгере. Мисал гелтирип айтгъанда, бизин къаркъарабызгъа герекли С витаминни гюнлюк нормасын алмакъ учун, бир кило лимон ашамагъа герек. Ойлашып къарагъанда, гюнде шончакъы лимонну ашайман деп айтып болагъан гиши бармы? Шолай башгъа витаминлер де.

Оьрде эсгерилген далиллени де гёз алгъа тутуп, заман-заман бизге гьар тюрлю мадданлар булан топлангъан витаминлени къолламагъа герек. Тек къаркъарабызда витаминлер етишмейгенликден зарал болагъан йимик, оланы артыкълыгъы да пайда гелтирмейгенни билмеге тюше. Шо саялы витаминлени къоллайгъанда оьзюгюзню врачыгъызгъа сорап къарагъыз.

Авторизация
*
*
Регистрация
*
*
*
Согласны с условиями сайта?
Генерация пароля