Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
«...Таза Дагъыстан»

«...Таза Дагъыстан»

Муна бу гезик де 2014-нчю йылны март айыны 29-нда республика оьлчевюнде гьазирленген булкъа «Таза Ватан-Таза Дагъыстан» деген чакъырывну тюбюнде къурумлу оьтдю демеге ярай.

Айлана якъдагъы гьаваны сувугъуна, темиркъазыкъдан эшеген аччы елге чул бермей, Таргъутавну Каспийге бакъгъан бетинде бугюн уллу да, гиччи де жыйылып ишге гиришме гьазирленегени гьис этиле. Ярыкъ язбашны гёзеллигине оьз къошумун этме токъташгъанланы гёнгю­лю сююндюре.

Булкъаны сиптечилери «Единая Россияны» Дагъыстан бёлюгюню ва шолай да ДР-ни экология ва табии байлыкъларыны министерлигини башчылары, къурум комитетни членлери барысы да алданокъ гьазирлик гёргени гьакъда айрыча эсгерме сюмен.

Бираздан ишде къолланагъан алатлар пайлана. Арадан кёп заман оьтмейли, айлана якъда ташлангъан наслар, эсги-пусгъу дорбалагъа тёшелип, машинлеге къотарыла, тереклер орнатыла…

Таргъутавда ерлешген уьч де къумукъ юртну адамларына тазалыкъны болдурмакъ учун бугюн « Тазалыкъны болдурувну  сиптечилери» деген проектни ортакъчылары, республикабызны оьр ва орта охув ожакъларыны студентлери, охувчулар, Дагъыстанны яшёрюмлерини парламентини членлери ва «Мен президентни якъчысыман» деген яшёрюм гьаракатыны кёмекчилери къол ялгъай…

– Булкъаны ортакъчыларыны алдына не йимик борчлар салынгъан? – деп сорайбыз Дагъыстанны экология ва табии байлыкъларыны министрини заместители, булкъаны оьтгеривге жаваплы Лейла Багьандовагъа.

– Биринчилей, тазалыкъны болдурув ва шону натижасында булкъаны ортакъчыларына ва бары да дагъыстанлылагъа республикабызны маълумат къуралларындан таба тазалыкъны болдурувдан эсе, ону къоруп сакълав агьамиятлы экенни англатмакъ, – деп, бизин уьстде эсгерилген пикрубузну ташдыра. – Демек, республикабызны ватандашларыны экология англавларын-маданиятын камиллешдирмек учун къаст этиле.


Муна шо саялы да бугюн булкъада ортакъчылыкъ этегенлер оьзлени тазалыкъны болдурувгъа ва къорувгъа бакъгъан якъдагъы уьлгюсю ватандашланы байрам ва ял алыв гюнлерде табиатгъа чыгъып ял алагъанланы янындан тергевсюз къалмажагъына инанма сюе.

Булкъаны барышында шо гюн тазалыкъны гьайын этегенлени гьаракаты булан айлана якъ ташлангъан къалды-къулдулар жыйылып,  машинлеге къотарылып дегенлей, яшгъарып гелеген хыйлы ер тазаланды. Магьачкъаладагъы «Горзеленхоз» деген муниципал унитар предприятие ва шолай да «Тидибский чай» деген компания гелтирген тереклер Таргъутавну бетиндеги аяз болуп гёрюнеген ерлерине орнатылды.

Шо гюн республикабызны тахшагьарында ва ягъаларында гьар тюрлю минис­терликлени, къурумланы, студентлени къурч гьаракаты булан тазалыкъ болдурувну чаралары оьтгерилди ва ер-ерде тереклер, яшыл уьлкелер орнатылды.

Булкъаны оьтгеривге къол ялгъагъан ватандашлагъа ва къурумлагъа шону сиптечилерини, Дагъыстанны экология ва табии байлыкъларыны министерлигини янындан разилик билдирилди.

 

Къ. Къараев.


Количество показов: 563
04.04.2014 11:18

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта