Рашитхан Забитовну эсделигине

      


Авур атлетикадан Дагъыстан Республиканы физкультурасыны ва спортуну ат къазангъан къуллукъчусу, белгили тренер ва муаллим болуп кёп йыллар ишлеген Рашитхан Биярсланович Забитовну эсделигине багъышлангъан гезикли турнир оьтгерилди.



Турнирде Магьачкъала, Хасавюрт шагьарланы, Бабаюрт, Магьарамгент, Хасавюрт районланы командалары ортакъчылыкъ этдилер.



– Рашитхан Забитов авур атлетикадан тренер болуп юрт хозяйство техникумда кёп йыллар ишледи. Ишин бажарагъан, низамны сюеген адам эди. Ону аты унутулуп къалмасын учун турнирлер оьтгеребиз. Алдын шу намусну кютювню Дагъыстанны спорт министерлиги оьзюню бойнуна ала эди, гьали о бир ягъада токътагъан. Ш
о арив тюгюл, – деди ярышланы баш судьясы Дагъыстанны жыйым командасыны баш тренери Олхозур Элмурзаев.



– Рашитхан Биярсланович Боташ­юртда тувгъан. Дагъыстанда инг де айтылгъан тренерлени бириси эди. Озокъда, бу турнирни ата юртунда оьтгерсе, арив болар эди, тек шогъар харж герек. Мен шу масъаланы алда да гётерген эдим. Кёмек этегенлер болмады деп айтма ярай.



Тек, мен ойлашагъан кюйде, Забит Рашитхановну эсделигине уллу турнир Боташюртда оьтгерме тийишли. Ерли далаплы адамлар ва район администрация да кёмек этер деп эсиме геле, – деди халкъара категориялы судья, боташюртлу Хайрудин Умаров.



Гьамит Гьамитовну атындагъы спорт къаласында атлетлер оьзлени гючюн гёрсетдилер.



– Ярышларда бизин яшлар: спорт школадан 4 атлет ортакъчылыкъ этди. Экевю биринчи ва бири уьчюнчю ерлени къазандылар, – деди «Эндирей» деген яшлар спорт школаны тренери Байдулла Исаев.



Авторизация
*
*
Регистрация
*
*
*
Согласны с условиями сайта?
Генерация пароля