Олимпия медаль тапшурулажакъ


Пекин шагьарда оьтгерилген Олимпия оюнларда тутушуп ябушувдан 125 кило авурлукъда финалда къумукъ улан Бахтияр Агьматов уьзбек кочап Артур Таймазовгъа утдуруп, гюмюш медальгъа ес болгъаны эсибизде.



Тек арадан заман гетип, Таймазов къаркъарасыны къуватын артдырагъан маддаланы къоллагъаны ачылып къалды. Шондан сонг спортчуланы къаркъарасыны къуватын артдырагъан маддаланы къоллавгъа къаршы иш гёреген ва Бютюндюнья комиссиясы алтын медаль къумукъ улан Бахтияр Агьматовгъа тапшурулажакъ деп токъташдырды.



Бугюнлерде ябушувну дюнья федерациясы билдирген кюйде, Будапешт шагьарда дюньяны чемпионаты оьтгерилежек гюнлерде Бахтияр Агьматовгъа алтын медаль тапшурулажакъ. Бу – бек шат янгылыкъ.



Гьали къумукъланы тутушуп ябушувдан 3 олимпия чемпиону болду. Марит Муталимовну буса бронза медалы бар. Дюньяда 100-ден де артыкъ пачалыкъны вакиллери Олимпия оюнларда ортакъчылыкъ этип, бир медаль да къазанмагъанлар. Къумукълар буса 4 медальгъа ес болгъан. Шо – уллу оьрлюк ва оьктемлик.



Авторизация
*
*
Регистрация
*
*
*
Согласны с условиями сайта?
Генерация пароля