Къаягент районда оьтгерилмеге имканлы


Артдагъы гюнлерде спортну авиация жураларыны бютюндюнья федерациясыны вице-президенти Небойша Юшкович ва РФ-ни оборона министерини ойчусу, Совет Союзну Игити Александр Солуянов Къаягент районну Янгыкъаягент юртунда болгъан. Олар спортну парашют булан атылыв журасындан гелеген йылда Европаны чемпионатын оьтгермек учун шондагъы аэродромдагъы имкамлыкъланы ва шартланы ахтаргъан.



Гелген къонакълар Къаягент районну гьакимбашы Магьамматэмин Гьажиев булан ёлукъгъандан къайры да, чемпионатны вакътисинде ону ортакъчылары яшажакъ Каспий денгизни ягъасында къурулгъан «Связист» деген къонакъюйге де къарап чыкъгъан. Шондагъы шартлагъа да олар рази къалгъан.



Небойша Юшковични сёзлерине гёре, спортну парашют булан атылыв журасындан гелеген йылда Европаны чемпионатын оьтгермек учун Къаягент районда бары да шартлар бар. Чемпионатны оьтгерилежек ери спортну авиация жураларыны бютюндюнья федерациясыны генгешинде белгили болажакъ.\



Авторизация
*
*
Регистрация
*
*
*
Согласны с условиями сайта?
Генерация пароля