Экинчи ва уьчюнчю ерлер къазангъан

Бу гезик тутушуп ябушувдан яшёрюмлени арасында Смоленск шагьарда оьтгерилген Россияны чемпионатында эки медаль къазангъан адилянгыюртлу (Бабаюрт район) яшланы гьакъында айтма сюемен. Гюмюш медальны Азнавур Таваев ва бронза медальны Динислам Тахтаров къазангъанлар. Гетген йыл яшланы арасында Динислам Россияны чемпионатда да биринчи ерни алгъан эди.



Айтагъаным, бу эки де къумукъ яш кочапны уллу гележеги бар. Олар башлап Дагъыстанны чемпионлары болду. Азнавур да, Динислам да (тренерлери Арсен Байболатов ва Залимхан Таваев) Хасавюртда яшланы спорт школасына тренировкалагъа юрюйгенли тогъуз йыл бола. Олар бир нече керен халкъара турнирлерде де савгъатлы ерлени къазангъанлар.



Август айда Азнавур Таваев Румынияда оьтгерилежек Европаны чемпионатына бар­ма гьазирлик гёре. Мен ону ябушагъан кююне уьч керен Хасавюртдагъы турнирлерде къарагъанман. Бек арив техника ва къастлыкъ гёрсетип ябушгъан эди. Динислам да гьар ярышда савгъат къазанмай къайтмагъанын эсгерме сюемен. Бизин къумукъ яшлагъа гележекде де уьстюнлюклер ёрайбыз.



Авторизация
*
*
Регистрация
*
*
*
Согласны с условиями сайта?
Генерация пароля