Журналистлеге эсделик салынажакъ

Журналистлени съезди оьтгерилген гюнлени вакътисинде Кавказгъа ва Да­гъыстангъа багъышланып документли фильмлер, шоланы арасында касбу къаравлары учун вагьши кюйде оьлтюрюлген дагъыстанлы журналистлеге багъышлангъан Светлана Свистунова онгаргъан фильм гёрсетилген.

Али Камалов да эсгерген кюйде, съездде ортакъчылыкъ этген Дагъыстанны Президенти Рамазан Абдулатиповну сёйлевюн съездни ортакъчылары бек исси къаршылагъан. Сонг да, Р. Абдулатиповну таклифине гёре Дагъыстангъа Дербент шагьаргъа журналистлени экспедициясы чакъырылгъан.

Журналистлер булангъы ёлугъувда вагьши кюйде оьлтюрюлген журналистлеге салынма гёз алгъа тутулгъан эсделикни гьакъында да сёз юрюлген. Али Камалов эсгерген кюйде, бугюнлеге ерли эсделикни эскизлери, макети гьазир этилген. Дагъыстанны Журналистлерини союзуну председатели эсделикни проекти токъташдырылгъан сонг, гелеген йыл шо ишни ахырына чыкъма хыялы барны билдирди.

Касбусу саялы жанларын къурбан этген журналистлеге эсделик биринчилей Дагъыстанда салынажакъ.

П. Бекеева.

Авторизация
*
*
Регистрация
*
*
*
Согласны с условиями сайта?
Генерация пароля