Жумамежит генглешдириле

Къоркъмаскъалада 90-нчы йылланы башында къурулгъан уллу жумамежит юртну жамиятына тарлыкъ этеген болгъан. Шону гьисапгъа алып, юрт жамияты бар межитни артында бирдагъы бир къошум бина ишлеп, межитни ичин эркин этмеге токъташды. Бугюнлерде биринчилей кюрчю къазылды. Межитни имамы Садрутдин гьажи эсгергени йимик, бу ишге бары да юртлулар къуршалмагъа герек.

«Гьар адам оьзюню гючюне гёре къолундан гелеген кёмекни этме тарыкъ. Бу – жамият учун, Аллагь учун этилеген иш. Кёмекни азы-кёбю болмай. Гьар адам оьзю болагъан кюйде кёмегин этсе, шу биз бугюн башлагъан иш, иншаллагь, юртну халкъына арив савгъат болажакъ. Болгъан чакъы жагьил адамланы да къуршама герек. Бугюнгю бизин гьаракатыбыз гележек наслу учун бек тарыкъ. 1970-нчи йылдан берли Къоркъмаскъала юрт къурулгъанлы юрт жумамежитни генглешдирегенли дёртюнчю гезик деп айтмагъа ярай», – деди оьзюню сёйлевюнде юртну имамы.

Жават Закавов.

Суратда: межитге кюрчю къазыла.


Авторизация
*
*
Регистрация
*
*
*
Согласны с условиями сайта?
Генерация пароля