Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamГод культуры безопасности Выборы - 2018ЧЕ-2018 Kaspeuro2018"ВРЕМЕНА"ИнфоблокИнтервьюПолитикаИсторияКультураЛюди и время НаукаНовые книгиБЛОГОСФЕРААналитикаЖАМИЯТПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорМАДАНИЯТАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы СПОРТЕдиноборства Развитие спортаСоревнованияФК «Анжи» МЕДИАСФЕРАО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Яш ахтарывчуланы ярышлары

Конференциягъа савлай рес­пуб­ликабызны районларындан, юрт­ларындан, шагьарларындан ерли ярышлардан уьстюн гелген яш ахтарывчулагъа ортакъчылыкъ этме имканлыкъ берилген. «Гележекге абат алыв» деген халкъара программаны ичинде оьтгерилеген бу илму-ахтарыв ярышлар ДР-ни билим берив минис­терлиги, А. Тахо-Години атындагъы Дагъыстан илму-ахтарыв педагогика институтуну якълаву булан оьтгериле эди.
Конференцияны ачылывунда академик Ш. Алиев, педагогика кадрланы билимлерин камиллешдиреген институтну ректору Ш. Шагьов, Магьачкъала шагьарны билим берив управлениесини ёлбашчысы К. Гьуруев, ДР-ни билим берив министерлигини вакиллери ва башгъалар ортакъчылыкъ этди.
Муниципал ярышларда уьстюнлюк алып, республика конференцияда оьзлени билимин, бажарывлугъун сынама гелген охувчу яшлар гьариси темасына гёре секциялагъа бёлюнюп иш гёрме башлагъынча, педагогика кадрланы билимлерин камиллешдиреген институтну ректору Ш. Шагьов конференцияны ортакъчылары 135 охувчу яшлар районлардан, шагьарлардан жыйылгъанны ва олар оьз­лени темаларына гёре 16 секциягъа бёлюнюп, эки гюн иш гёрежегин билдирди.
Гертилей де, яш ахтарывчуланы конференциясына жыйылгъанланы кёбюсю ярышланы ерли канзилеринден оьтюп, лап яхшы илму ишлени онгаргъанларына республика конкурсда ортакъчылыкъ этме ихтияр берилген эди.
Яшёрюмлени илму-ахтарыв конференциясы 4 тюрлю симпозиумгъа бёлюнюп оьтгерилди. Оланы арасында «Социал-гуманитар ва экономика илмулар», «Бугюнню ва гележекни техносферасы ва инженер илмулары», «Герти илмулар ва гьалиги дюнья», «Математика ва информационный технологиялар» дегенлери бар.
Дагъыстанда гележекде де илму ахтарылажагъы гезикли конференция ва ону ортакъчылары бирдагъы да исбат этди.

Суратда: конференциядан гёрюнюш.
Количество показов: 556
22.11.2013 11:01

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта