Ярмакю оьтгериле

Шонда «Деловой Дагестан» деген выставка центрыны башчысы Магьаммат Сариуланов, Дагъыс­танны далапчыларыны центрыны председатели Вагьап Вагьабов, Дагъыстанны минпромтрансэнерго министерлигини промышленност ва инновация управлениесини начальниги Магьамматнаби Муртузалиев республикабызны маълумат къуралларыны къуллукъчуларына выставканы алдына салынгъан борчлагъа байлавлу болуп баянлыкъ берди ва журналистлени соравларына жаваплар къайтарды.

Бу гезик ярмакю-выставка Магьачкъалада Расул Гьамзатовну атындагъы орамда ерлешген республика милли китапханасында март айны 21-22-нчи гюнлеринде Къызлар шагьардагъы заводну, «Газпром трансгаз Магьачкъала» деген жамиятны къол ялгъаву ва шолай да респуб­ликабызны далапчыларыны центрыны ортакъчылыкъ этивю булан оьтгериле. Магьачкъалада бугюн шогъар байлавлу бизин уьлкебизни гьар тюрлю регионларындан ва шолай да Россиядан, тышдан гелген къонакълар ортакъчылыгъын болдура.

Ярмакю-выставканы аслу мурады – мал болдурувчуланы имканлыкъларын малим этив ва шону натижасында  халкъ учун лап да тарыкълы малланы, техниканы, янгылыкъланы гьар тюрлю базарлагъа чыгъарыв болуп токътай.

Бугюн мунда ерлешдирилген гьар тюрлю бёлюклердеги экспонатлар булан Дагъыстанны, Ставраполь крайны, Мычыгъыш ва Ингуш республи­каланы оьзге регионланы башчыларына ювукъдан таныш болма толу кюйде имканлыкълар пайдаландырылагъаны тергевню тартмай болмай.

Олар ярмакю-выставканы ачылывуна байлавлу оьтгерилеген шатлыкъ маданият чаралардан сонг генгешлерде, «дёгерек столларда», далапчы тайпаланы сиптечилиги булан оьтгерилеген ёлугъувларда ортакъчылыкъ эте.

         Ярмакю-выставкада бизин рес­публикабызны ва Россияны оьзге регионларыны 100-ден де къолай предприятиелери ва къурумлары ортакъчылыкъ эте. Шону гьасиллери чыгъарылгъан сонг «Ёлдашда» да  генг кюйде маълумат берме умут этиле.

 

Къ. Къараев.

Суратда: прес-конференцияны ортакъчылары.

Авторизация
*
*
Регистрация
*
*
*
Согласны с условиями сайта?
Генерация пароля