Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Ватандашланы къабул этди

Эсги Миятлыда яшайгъан Магьаммат Гьажаевни уью 1999-нчу йылда ер тербенивню натижасында бузулгъан. Эксперт комиссияны кагъызы болса да, не ерлеге барса да, кагъызлары гьали де республика МЧС-де ята. Шондан берли яшавлукъ гьалын яхшылашдырмакъ учун бир иш де этилинмеген. Прокурор шоссагьат МЧС булан байлавлукъ тутду ва тез заманны ичинде жавап берилежекни айтды.
Расул Къазимагьамматов Зубутли-Миятлы юртну жамиятыны атындан сёйледи. Къызылюрт районну 4800 гектар ери, белгисиз кюйде Къазбек районну ерлери болуп къалгъан. Шону этген деп айыплы уллу ишлердегилени атлары да айтылды. Суддан таба юртлуланы пайдасына деп гёрсетилген 16 гёрсетив бар, тек гьал алдагъы кюйде. Далапчылыкъ юрютеген Магьаммат Шугьайыбов Къызылюрт районда сабанчы хозяйство ачгъан, документлени онгарма къарайгъанда, топуракълар башгъа районну экени белгили бола.
Прокурор топуракъ масъалагъа тергевлю къарап тюз янашмаса, арты къалмагъалгъа айланагъанны айтды ва тезликде жавап берилежекни де билдирди.
Шолай да, ватандашланы къабул этивде газгъа гьакъ тёлейгенни гьакъында дурус справкалар берилмейгени айтылды, 4 тюрлю жинаятчы ишлеге де къаралды. Кёбюсю масъалалагъа гёре ти­йишли гёрсетивлер ва жаваплар берилди, къалгъанларына да узакъ къалмай къаралажакъ.
Шо гюн 15 адамны арзасына къаралды. Ризван Шагьнавазов билдирген кюйде, шулай ерлеге гелип, ватандашланы къабул этсе, узакъ заман къалагъан масъалаланы аз заманны ичинде чечме бола. Ол айтгъан кюйде, прокуратураны къуллукъчулары ерлеге барып ватандашланы къабул этив энниден сонг адатланып юрюлежек.

Гебек КЪОНАКЪБИЕВ,
оь мухбирибиз.
Суратда: Дагъыстанны прокурору
Ризван Шагьнавазов
тюрлю-тюрлю иш къурумланы ёлбашчылары
булан ватандашланы къабул эте.

Количество показов: 607
17.01.2014 13:24

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта