Россияны Президенти «Ахульго» проектни якълагъан

«В. Путин булангъы ёлугъувда биз «Ахульго» деген Бютюнроссия проектни масъаласын арагъа салып ойлашдыкъ. Мен огъар «Кавказ давдан сонг 155 йыл оьтгенни, амма шо давда оьлгенлеге эсделик салынмагъанны гьакъында айтдым. Биз, дагъыстанлылар, давда оьлгенлерибизни, орус солдатланы да, тавлуланы да эсделигин сакълайбыз. Олар барысы да макътавгъа тийишли, олар барысы да, заман талап этеген кюйде, оьзлени борчун кютген.

Имам Шамил шо давда къоччакъ кюйде ябушгъан. Дав битген сонг, бизге Россияны халкъы булан дослукъда яшамакъны васият этген. Ону васиятын биз яшавгъа да чыгъарабыз. Биз Россияны халкъы булан Ватан давну йылларында да, 1999-нчу йыл халкъара бандитлер чапгъын этгенде де бирче эдик. Тутдуруп айтсакъ, биз этген ишлени РФ-ни Президенти якълады», – деп айта ДР-ни Башчысы.

«Ахульго» деген эсделикге 17 метрлик къаравул къала ва айры бинада этилген зал гире. Шо комплексни къурулушуна оьз ишин яхшы  билеген усталар къуршалгъан. О бары да иши къол булан этилеген къурулуш кёп заманны ала. Буса да, «Ахульго» деген эсделик комплексни бугюн ачма да ярай.

Ахульго тавну къырыйында имам Шамилни аслу гючлери къамавгъа алынгъан. Кавказ давну белгили ябушуву шонда болма да болгъан деп гьисаплана. Эсделикни ачылыву имам Шамил оьлгенли 145 йыл тамамланагъан болжалда болажакъ деп гёз алгъа тутулгъан.

А. ГЬАМЗАЕВ.

Авторизация
*
*
Регистрация
*
*
*
Согласны с условиями сайта?
Генерация пароля