Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Район гьакимлер гьисап бере

        Депутатланы алдында 11 масъаладан къурулгъан гюнлюк низам бар эди. Биринчи эки масъалагъа гёре депутатланы район жыйыныны председателини орунбасары Магьаммат Лабазанов сёйледи. Ол депутатланы 2014-нчю йылдагъы иш планыны гьакъында айтды ва район админист­рацияны уставында этилинген алмашынывланы проекти булан таныш этди.
       Район администрацияны башчысы Загьир Боташев депутатланы алдында оьзюню иши гьакъда гьисап берди.
          – Район администрация учун халкъны яшавлукъ гьалыны сан янын яхшылашдырмакъ, экономика оьсювню ва ерли администрацияланы башчыларын янгы къайдада ишлевню болдурмакъ аслу борч деп салына, – дей З.Боташев. – Биз шону уьстюнде ишлейбиз ва йылдан-йыл социальный масъалаланы чечебиз. Оьтген йылда гёз алгъа тутулгъан планланы кютюлювю промышленностда – 120 процентге, юрт хозяйствода – 109,2, къурулушда – 104, сатыв-алывда – 101,6, халкъны къуллукъларын кютювде 106,6 процентге етишген.
Шолай да, сессияда МВД-ни Хасавюрт райондагъы бёлюгюню начальниги Арсланбек Алибеков да гьисап берди. Ону сёзлерине гёре, регионда криминал гьал четим кюйде къала, тек террорчулукъгъа къаршы ишлер къурумлу юрюле. Оьтген йылда 30-дан да артыкъ законсуз савутлу гючлени ортакъчылары ёкъ этилген.
           Районну 2013-нчю йылдагъы бюджети кютюлгени гьакъда финанс управлениени ёлбашчысы Бушра Алимагьаммаев гьисап берди. Къалгъан масъалаланы арасында аслу деп ЕГЭ-ге гьазирликни гьакъында районну билим берив управлениесини начальниги Абдулла Абдуллаев маълумат берди. Ол билдирген кюйде, бу йыл ЕГЭ бек гючлю тергевню тюбюнде оьтгерилежек. Бугюнлерде буса сынав-алышдырыв ишлер юрюле. Гьалиге яшлар экзаменлени осал бере, шо гюнлер етишгенче школаланы муаллимлерине гьалны яхшылашдырмакъ тапшурулгъан.
         Шолай да, депутатлар Бушра Алимагьаммаевни ва Илмухан Биймурзаеваны Хасавюрт район администрацияны башчысыны орунбасарлары этип белгиледи.

Гебек КЪОНАКЪБИЕВ,
оьз мухбирибиз.
Суратда: сессияны вакътиси.
Количество показов: 708
21.03.2014 11:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта