Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Пайдалы ёлугъув***

Школаланы муаллимлери чакъырып, охувчулар шаирлер, язывчулар, сагьнаны усталары булан ёлугъувлар оьтгерегени мердешге  айланып битген. Бу гезик, янгы йылны алдында, Къарабудагъгент районну Дёргели юртундагъы 2 номерли школаны 9-нчу класларыны охувчулары Магьачкъалагъа гелип, «Парадайс» деген ресторанны уллу залында ёлугъув болду. Шонда Дагъыстанны халкъ шаири Агьмат Жачаев, «Сарихум» деген газетни редактору, шаир Жават Закавов, «Ёлдаш» газетни маданият бёлюгюню редактору Яраш Бийдуллаев, телевидениени къумукъ берилишлерин юрютеген редактору Иса Агьматов, Къумукъ театрдан Дагъыстанны ат къазангъан артисткасы Зугьра Межитова, белгили йырав Солтанат Атаева ортакъчылыкъ этди ва яшлагъа пайдалы насигьатлар берди, шиъруларын охуду.

Бу ёлугъувну оьтгермек учун къаст этип айлангъан муаллимлер Аминат Жанарсланова, Зумурут Атаева, Марипат Насухова, крайны уьйренив музейини ёлбашчысы Магьамматбашир Атагишиев къонакъланы кёп сююп къаршылады. Шатлы ёлугъувну Зугьра Межитова юрютдю ва гелген къонакълагъа да, муаллимлеге де, охувчулагъа да гезик булан сёз берди.

Бийивлер, йырлар булан аралашдырып охувчулар Марьям Файзуллаева, Тотай Расулова, Умгьани Убаева, Зулайха Билалова, Магьаммат Келеметов, Абакар Алигьажиев ва оьзгелери чебер кюйде шиърулар охуду, Агьмат Жачаевни яратывчулугъуна байлавлу сагьналашдырылгъан гёрюнюшлени гёрсетди. Шаирлер охувчулагъа китапларын савгъат этди. Бу пайдалы ёлугъув дёргелили охувчуланы эсинде узакъ замангъа къалажакъ.

 

 

Бизин мухбирибиз.

Суратда: ёлугъувну вакътиси.



Количество показов: 563
16.01.2015 13:20

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта