Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Патриот йырланы байрамы


       Билим беривню Буйнакск район управлениеси оьтгерген бу фестиваль Уллу Ватан давда Уьстюнлюк къазанылгъанлы 70 йыл битегенликге багъышлангъан эди.

            Булай фестивальны оьтгермекни мурады – районну муаллимлерини арасында яратывчу коллективлени, пагьмулу педагогланы арагъа чыгъармакъ, яш наслуну патриот, къылыкъ ругьда тарбиялавну ишин камиллешдирмек.

        Фестиваль район администрацияны актовый залында оьтгерилди. Эки гюн юрюлген бу фестивальда педагогланы оьр пагьмулары аян болду.

     Бары да школаланы педагоглары эсгерилген конкурсгъа жавапчылыкъ булан янашгъаны гьис этиле эди. Кёбюсю школалар хас опуракълар онгарып, оьзлени юртларындагъы Уллу Ватан давну ортакъчыларыны суратларындан уллу стендлер этип, дав йылларына къыйышагъан гёрюнюшлени, мюгьлетлени гёз алдыбызгъа гелтирип бажардылар. Къаравчулар оланы чыгъышларын сувлангъан гёзлери булан оьзлени юрегинден оьтгердилер.

     Районну билим берив управлениесини жаваплы къуллукъчуларындан къурулгъан жюри, конкурсну алданокъ билдирилген шартларына гёре, педагогланы гьюнерлерине тийишли къыйматлар бердилер.

       Бары да шартлагъа гёре муаллимлер алгъан балланы гьасиллери чыгъарылды.

     Конкурсну биринчи гюнюнде 1-нчи ва 2-нчи группа школалар ортакъчылыкъ этди. Биринчи группа школаланы арасында биринчи ер Халимбекавул орта школаны муаллимлерине берилди. Экинчи ерни Тёбен Жюнгютей ва Оьр Къазанышдагъы 1 номерли орта школалар бёлюп алдылар. Уьчюнчю ерге Эрпели ва Тёбен Къазанышдагъы 3 номерли орта школалар чыкъдылар.

     Экинчи группадан биринчи ерге Янгы­къумукъ орта школасы лайыкълы болду. Экинчи ерге Атланавул орта школа ес болду. Уьчюнчю ер Буглен орта школагъа берилди.

      Конкурсну экинчи гюнюнде 3-нчю ва 4-нчю группадагъы школалар ортакъчылыкъ этди. Уьчюнчю группадан биринчи ерге Такъалай орта школа чыкъды. Экинчи ер Чабанмахи ва Ишарты орта школалагъа бёлюндю. Уьчюнчю ер Дуранги ва Тёбен Къазанышдагъы 4 номерли орта школалагъа берилди.

       Дёртюнчю группадагъы школалардан биринчи ер Ванашимахи орта школагъа берилди. Экинчи ерге Къадар ва Тёбен Къаранайдагъы аслу школалар чыкъдылар. Уьчюнчю ерни Халимбекавулдагъы башлапгъы школа ва Гьаркасдагъы школа бёлюп алдылар.

     Конкурсда алдынлы ерлени алгъан школаланы коллективлерин районну билим берив управлениесини грамоталарына лайыкълы болду.

     Конкурсну ахырында районну билим берив управлениесини начальнигини заместители А. Биярсланова асгер-патриот сарынланы фестивалында ортакъчылыкъ этген муаллимлеге оьзюню ва РУО-ну атындан баракалла билдирди.



Б. НУРУТДИНОВА.

Суратда: фестивальны ортакъчылары.

М-Гь. ЗАЙДИНОВ чыгъаргъан сурат.

Количество показов: 413
06.03.2015 16:32

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта