Олимпиада оьтгерилген

Олимпиаданы биринчи тирети  бизин республиканы тахшагьарында ерлешген оьр охув ожакъларында декабр айны 3-нде юрюлген.  Шо гюн алдынлыкъ алмагъа бажаргъанлар декабр айны 12 — синде олимпиаданы экинчи тиретинде ортакъчылыкъ этген. 

Шондан къайры да, олимпиаданы барышында ону ортакъчылары ватандашланы борчларына ва ихтиярларына байлавлу масъалалагъа да къарагъан.  Дагъыстан пачалыкъ университетни, Да­гъыстан пачалыкъ педагогика университетни, Дагъыстан пачалыкъ техника университетни, Къыбла федерал округуну университетини, олай да  Дагъыстан пачалыкъ  халкъ хозяйство институтуну студентлери олимпиаданы вакътисинде айрыча гьаракатчылыкъ гёрсетгенин эсгермеге тюше.

Олимпиаданы гьасиллерине гёре  Дагъыстан пачалыкъ халкъ хозяйство институтуну  5-нчи курсуну студенти Рамазан Сурхаев биринчи ерге лайыкълы болгъан. ДГУ-ну юристлер гьазирлейген факультетини 2-нчи курсуну студент  къызы Гьава Абдусаматова экинчи, Дагъыстан пачалыкъ  халкъ хозяйство институтуну 3-нчю курсуну студенти Гьасан Алибеков уьчюнчю ерлеге ес болгъан.

Гелеген йылдан тутуп, Дагъыстанны ва Россияны Конституциясына багъышлангъан олимпиада янгыз оьр охув ожакъланы студентлерини арасында тюгюл, орта  школаланы охувчу яшларыны арасында да оьтгерилежек деп гёз алгъа тутула. Оьтгерилеген олимпиада халкъны, айрыча торайып гелеген наслуну политика якъдан гьаваслыгъын артдырывгъа болушлукъ этежек деп де къаравуллана.

 

 

 

Н. БАЙБОЛАТОВ.

СУРАТДА: олимпиаданы ортакъчылары.

Авторизация
*
*
Регистрация
*
*
*
Согласны с условиями сайта?
Генерация пароля