Магьамматэмин Гьажиев:

–Янгы къуллукъгъа белгиленген биринчи гюнлеримден тутуп, ерли халкъ ишге берилип гьаракатын болдурагъанны мен гьис этгенимни сёйлевюмню лап башында айрыча эсгермеге сюемен. Буссагьатгъы вакътиде районну билим берив ожакъларында барысын да бир йимик торайып гелеген наслуну ругь якъдан тюзевлю тарбияламакъ учун, олай да ана тилни уьйренивге, асруланы боюнда сыналгъан халкъыны асил мердешлерине бакъгъан якъдагъы иштагьлыгъын артдырмакъ муратда мекенли чаралар гёрюле,– деди ол. – Шону булан бирге  чечилмеге тюшеген масъалалар гьали де бар. 2014-нчю йылны ахырына белгили болгъаны йимик, бизин районда налогланы жыйыв  80, 7 процентге тюгюл толмагъан. Шо да янгыз налоглар жыйыв къуллугъуну касбучуларыны, олай да ерли гьакимлик къурумуну къуллукъчуларыны хантавлугъу тюгюл. Ватандашлар ёрукълу кюйде тёлемейгени шогъар аслу себеп болуп токътай. Чинкдеси, районда тезден берли агьамият берилип гелеген тармакъланы къайсында да айтардай оьсюв гьис этилмей. Белгили экени йимик, Къаягент районда республикада болдурулгъан юзюмню 40 проценти оьсдюрюле. Гюнешни емишин болдурувну шо къадарда сакъламакъдан къайры да, тармакъны оьсдюрмекни гьаракатын этмеге де тюше,– деди ол дагъы да.

Мухбирлени соравларына жаваплар бере туруп, М. Гьажиев билдирген кюйде, районгъа гиреген юртларда къумукълар ва даргилер, оьзге миллетлени вакиллери яшай. Оланы арасында милли эришивлюк­лер болмаса да, айрыча гьар юртда топуракъ масъаланы чечмеге тюше деп айтмагъа ярай. Жагьил адамланы иш булан таъмин этмек, олай да  яшавлукъ шартларын яхшылашдырмакъ, умуми кюйде алгъанда, районда юрт хозяйство, олай да оьзге тармакъларын оьсдюрмек учун далапчыланы иштагьландырывну ёллары ахтарыла.

 

 

Б. Айболатов.

Авторизация
*
*
Регистрация
*
*
*
Согласны с условиями сайта?
Генерация пароля