Къурулушланы гьайы этиле

Прес-конференцияны арагъа салып гьакълашагъан масъалаларыны аслусу Дагъыстан Республикада къурулуш тармакъны ва Дагъыстан Республикада къурулуш материалланы болдурувну оьсдюрювню, къурулушланы сан янын артдырмагъа таъсир этеген себеплени ахтарывну ва къурулуш индустрия булан байлавлу айтылагъан таклифлени гьакъында эди.

ДР-де къурулушлагъа, архитектурагъа ва ЖКХ-гъа къарайгъан министрни заместители Магьаммат Да­йитбекович Абдулкеримов, Россияны къурулушларыны милли бирлешивюню советини генеральный директору Али Баширович Шагьбанов ва оьзге къурулуш тармакъ булан байлавлу ёлбашчы къуллукъчулар Дагъыстанда къурулушланы бугюнгю гьалы гьакъында мекенли ва гьайлы кюйде лакъыр юрютдюлер.

Дагъыстан Республиканы Президенти Рамазан Абдулатиповну гьай этивю булан республикада янгы индустриализация билдирилген. Къабул этилген программагъа гёре кёп яшлы уьягьлюлени яшавлукъ уьйлер булан таъмин этивге хыйлы харж гёрсетиле, шолайлар учун 4 минг топуракъ участка айырылгъан. Бу йыл 1,5 миллион квадрат метр яшавлукъ майданы булангъы квартирлер къурула. Тек нетесен, къурулушланы сан яны тийишли кюйде талаплагъа жавап бермей.

Къурулуш тармакъ учун касбучулар гьазирлев кёп осал даражада. Хаммал булан таъмин этивде де хыйлы кемчиликлер бар.

Уручулукъгъа, коррупциягъа ёл беривлер яшавлукъ уьйлер алмагъа гьасирет кюйде къаравуллагъанланы гьалеклендире.

Конференцияда журналистлер де къурулушланы сан янына байлавлу хыйлы танкъыт сёзлер айтдылар.

Авторизация
*
*
Регистрация
*
*
*
Согласны с условиями сайта?
Генерация пароля