ХАСАВЮРТ РАЙОНДА МАДАНИЯТНЫ ЙЫЛЫ АЧЫЛДЫ

– Бу йыл Маданиятны йылы деп негьакъ белгиленмеген, – дей ра­йон администрацияны башчысыны орунбасары Вагьит Касимов. – Маданият-тарихи варисликни сакълав, оьс­дюрюв ва аян этив чаралар районда генг кюйде оьтгерилме герек. Респуб­ликаны Башчысы Р. Абдулатипов да айтгъан кюйде: «Маданият яшажакъ, эгер де биз шону тас болма къоймай гелеген наслугъа аман кюйде тапшурсакъ». Ишигизде оьрлюк ёрайман!

Шолай да, жыйылгъанланы алдында районну билим берив управлениесини начальниги Абдулла Абдуллаев, маданият управлениени начальниги Муртазали Магьамматалиев сёйледилер ва йылны ичинде кютме гёз алгъа тутулгъан борч­ланы гьакъында айтдылар.

Жыйынны ахырында Дагъыстанны ат къазангъан артистлери Латип Шайыпов, Юлдуз Топаева, Жамиля Индербиева, шолай да Раисат Асланова, Апанди Исламгьажиев, Роман Стрельников, «Молодость Дагестана», «Ламан аз», «Радуга» ва «Куруш» деген ансамбллер оьзлени пагьмуларын гёрсетдилер.

Залны фойесинде яшёрюмлени чебер школасыны ортакъчылары этген суратлар ва чыны савутлар салынгъан эди.

Маданиятны йылында маданият къалаланы, клубланы ва оьзбашына иш гёреген коллективлени ишине де, айрокъда юртларда музейлер ачывгъа тергев болар деп де умут этиле.

Г. КЪОНАКЪБИЕВ,

оьз мухбирибиз.

Авторизация
*
*
Регистрация
*
*
*
Согласны с условиями сайта?
Генерация пароля