Халкъара фестивальны лауреаты

Ол фестивальны «Мени агьлюмню тарихи» деген ярышында ортакъчылыкъ этген. Бабаюртлу улан башлап ерли, сонг республика ва артда Россия оьлчевдеги конкурсда уьст гелип, баш савгъатгъа ес болгъан.

Гьасан оьзю тувуп оьсген уллу агьлюсюню тарихи яшавун адатларыны гьакъында язгъан. Конкурс ишин Москвада оьтгерилген фестивальны ахырынчы тиретинде къошгъан ва Координационный советни жюриси оьр багьа берген. Огъар биринчи ер тапшурулгъан.

Гьасангъа диплом ва савгъат берилген.

Уьч фестивальда уьст гелген бабаюртлу пагьмулу улан Гьасан Борагъановну халкъара фестивальда етишген уьс­тюнлюгю – уллу оьрлюк.

«Детство без границ» деген халкъара фестивальда уьст гелгенлер ва савгъатлы ерлени къазангъанлар «Билим берив» деген милли проектни савгъатларына гёрсетилген.

Гьасан Борагъанов Бабаюртда белгили абурлу агьлюде тувгъан. Ону уллатасы Абсалютдин Борагъанов – Да­гъыстанда авур атлетикадан айтылгъан тренер. Улланасы Бурлият – белгили муаллим. Атасы Мурат – авур атлетикадан СССР-ни спортуну устасы, Дагъыстанны чемпиону.

Гьасанны уллу уьстюнлюгю булан къутлайбыз, огъар гележекде де уьстюнлюклер ёрайбыз.

Измулла ГЬАЖИЕВ.

Суратда: Гь. Борагъанов (солда).

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля