Ишлени чалтлашдырма герек

Жыйында ДР-ни Гьукуматыны Председателини биринчи замес­тители Анатолий Карибов, ДР-ни Президентини ва Гьукуматыны администрациясыны ёлбашчысыны заместители Мусалан Тагьманов, ДР-ни экономикагъа ва территория оьсювге къарайгъан министри Раюдин Юсуфов, ДР-ни билим беривге ва илмугъа къарайгъан министри Шагьабас Шагьов, бир-бир муниципал къурулувларыны ёлбашчылары, къурувчулар ортакъчылыкъ этген.

Жыйынны ача туруп, премьер-министр гетген жума оьзю школа чагъына етмеген яшланы биналарын къурувну барышы булан таныш болгъанны гьакъында айтгъан. Буйнакск районну Тёбен Къазаныш юртунда шо къурулуш юрекни рази этердей юрюлмейгенни айтгъан. Сергокъала районда гьал яман тюгюл, деген А.Гьамитов. Ол жаваплы ёлбашчылагъа эсгергени йимик, шо социальный объектлер 2013-нчю йылны декабр айыны 25-не тамамланмагъа герек.

Федерал бюджетден республиканы бюджетине школа чагъына етмеген яшлар учун яшлар бавларын къурмагъа субсидия берилежек. 2 миллиард 710 миллион манатгъа яшлар бавланы биналары къурулажакъ. Республикада 20 муниципал районларда ва шагьарларда 22 яшлар бавуну биналары къурулажакъ ва уьстевюне, 6461 яшгъа къошум ерлер болдурулажакъ.

Дагъыстанны Гьукуматыны башчысы жаваплы ёлбашчыларыны эсине салгъаны йимик, Дагъыстан Республиканы Президенти Рамазан Абдулатипов яшлар бавларына алынагъан мебелни ва оьзге инвентарны болгъан чакъы ерли усталар этгенлерин къолламагъа герек.

Авторизация
*
*
Регистрация
*
*
*
Согласны с условиями сайта?
Генерация пароля